Covalima (RCCT) 13-09-21, Relasiona ho Programa PNDS ba Uma kbi’it Laek (UKL) iha Suco Fohorem nebe Planu Konstrui Uma ba komunidade Vuneravel iha Aldeia Loro Kida, nebe dadaun ne’e hahu ona halo mobilizasaun matrial konstruksaun maibe Kompania fornesedor Preokupa ho kondisaun estrada at nebe difikulta kareta atu tula material konstruksaun ba Aldeia Loro Kida.
Ko’alia ba RCCT iha ninia Rezidensia Diretur Kompania JAFREQ LEO RAI Eugilio do Rego hanesan Fornesedor Matrial konstruksaun ba Programa UKL iha Aldeia Loro Kida, Suco Fohorem Preokupa ho kondisaun At tanba difikulta sira nia movimentasaun hodi mobiliza matrial konstruksaun husi Suai ba Aldeia Loro Kida.
“Ami Preokupa ho kondisaun Estrada nebe mak at, maibe material balu mak ami lori ba tia ona hanesan Sementi besi no tukang sira nian, material ami lori tama uluk ne’e, ami liu deit husi mota laran, no Komunidade sira mak esforsu hodi hadi’a dalan ne’e, depois sasan balu mak ami seidauk lori tama, tamba dfikuldade boot mai ami ne’e, agora dadaun ho situasaun Serka Sanitaria entaun tama mai la diak, tamba material sira ne’e ami hein deit husi Nasaun Indonesia” Dehan Eugilio do Rego
Iha Sorin Seluk Xefe Suco Fohorem Fernando Ferreira rekonhese, Kompanya Fornesedore sira tula ona matrial balun ba Aldeia Loro Kida maibe dadaun ne’e labele kontinua tanba kondisaun estrada ladi’ak no tempu udan difikulta kareta atu kontinua tula matrial konstruksaun ba Aldeia Loro Kida.
“Kareta tula sementi ba ona maibe foin ba dala ida deit sira la ba ona tanba udan ne’e dalan ladiak,udan bebeik kareta ba la diak, ita atu kontinia ba mos persija dalan, agora tama bailoro entaun be mos laiha, tanba PNDS la Preve osan ba be ninian” Katak Xefe Suco Fohorem
Nune’e Xefe Suco Fohorem Husu ba MOP atu hadia estrada diresaun ba Loro Kida nune’e bele fo susesu ba implementasaun UKL.
“Nudaur Lideransa Komunitario nafatin husu ba MOP atu bele hadi’a dalan, nune’e Programa UKL ne’e bele lao ho susesu, karik nafatin hanesan ne’e mak ita labele kontinua, tanba fondasi sira ke’e hotu ona maibe atu hada labele” Tenik Nia.
Entretantu Diretur Kompania JAFREQ LEO RAI Eugilio do Rego dehan dadaun ne’e Matrial konstrukasuan hanesan Besi no Semente mak Kompania desloka ona ba fatin Konstruksaun UKL iha Loro Kida maibe sira seidauk bele kontinua desloka material konstruksaun tanba Inklima Udan halo rai dodok no mota halo kareta labele liu ba mai.
To’o Notosia ne Hatun RCCT seidauk hetan Informasaun husi Diretur MOP Covalima relasiona ho Xefe Suco Fohorem ninia Preokupasaun tanba Diretur MOP Covalima laiha Fatin.
Jornalista : Aje Ferreira
Editor : Chamot Nahac
