Covalima (RCCT) 14-03-23—Komunidade benefisariu hamotuk 4.606 iha Suku Kamanasa, Postu Administrativu Suai, simu ona sesta bazika ne’ebé distribui husi kompaña Paralel Unipesoál. Lda
Zito Soares Magno hatete, kompaña Paralel manan tenderizasaun atu distribui sasan xesta bazika ba komunidade sira iha suku rua hanesan Suku Kamenasa no Suai Loro, tan ne’e ohin kontinua fahe sasan iha Kamanasa tanba Suai Loro distribui hotu ona.
“Ha’u nia kompaña Paralel, Unipesoál. Lda maka hetan oportunidade liu husi prosesu manan tenderizasaun, hodi hetan oportunidade fahe aihan xesta bazika iha Postu Administrativu Suai iha Suku Kamenasa ho Suai Loro, Suku Suai Loro ami rekolha hotu ona agora mai fila fali iha Kamenasa, ne’ebé tuir ami nia tarjetu ba loron 2 fahe ai han no loron 2 tuir fali ami fahe kona ba na’an deit” forma Diretór Kompaña Paralel Unipesoál, Lda, Zito Soares Magno ba jornalista RCCT iha Aldeia Manekin, hafoin kompaña distribui aihan xesta bazika komunidade sira, segunda (13/03).
Diretór Kompaña deklara razaun distribui na’an ikus tanba kuandu distribui Pakote Sakola aihan lao dala ida maka Posibilidade na’an bele is hotu.
“Razaun tenke na’an fahe ikus tanba ami hakarak fo buat ne’ebé ba komunidade ne’e ho ijiene, bainhira simu lori ba uma han ba mos prontu ita garante laiha moras, no na’an labele iis tanba oho mai fahe kedas” nia dehan.
Diretór Kompaña esplika konaba distribuisaun xesta bazika ne’e iha item hamutuk 11, kompostu husi foos rai kilograma 10, batar ikis kilograma 1, iha manu tolun, kafe masin no midar, masin, ikan maran, mina tein, rinso inklui na’an. Nia dehan husi sasan item 11 kalkula ba osan ema ida hetan osan montante $ 48.75.
Xefe Suku Kamenasa, Samuel Barros konkorda ho sasan ne’ebé distribui husi kompaña Paralel Unipesoal. Lda tanba item sira ne’e mai tuir duni nesesidade komunidade nian.
“Antes atu fahe ba komunidade ami ho ekipa husi Sekretaria Estadu Kooperativa (SEKOOP) kompaña na’in ami sei fo avizu depois ami sei tetu ba komunidade hare direita karik sasan balu at iha sakola laran na’in bele mai fo hatene ami para hodi troka fila fali” nia esplika.
Xefe Suku afirma buat ne’ebé kompaña lori mai akompaña direita husi SEKOOP ne’ebé nudar autoridade lokal konkorda ho sasain sira ne’e tanba nesesidade komunidade nian ne’e apar hela ho situasaun.
Jornalista : JS
Editor : CN
