Sidadaun João Amaral ho idade 23 Hela iha Suco Belulik Leten Postu Administrtivu Fatumea Hetan Asalto husi Sidadaun Indonesia iha Area Fronteira Has Metan, Lamak Neen Indonesia no Loobetun Fatumea Indonesia iha Domingo (15-08) iha oras tuku 8 dader Otl.
Informa ba RCCT Xefe Suco Belulik Leten Quintino Jose Amaral relasiona ho Akontesementu ne’e wainhira Joao Amaral husi Aldeia Belulik Kraik, ba hare ninia karau iha Area Loobetun nebe sei partese ba Area Fatumea, Covalima Timor Leste, Xefe Suco ne’e mos dehan, Komunidade Indoensia sira ne’e tama liu rai kladik husi Area iha Loobetun Fatumea nebe dok husi Fronteira Indonesia Kuaze Kilo Metru 10.
“Akontesementu iha ohin dader tuku 8 iha Aldeia Belulik Kraik Suco Belulik Leten Ha’u Nia Komunidade ne’e Dader San ba Hare ninia Karau depois hetan Asalto husi Komunidade Indonesia ninian husi Parte Lamak neen, Mais ou menus sira tama ita nia area Kilo Metru 10 hanesan ne’e, Depois Komunidade ne’e kanek tanba Sira tan lori diman no taa hodi samurai” Informa Xefe Suco Belulik Leten Quintino Amaral ba RCCT Via WhatApp Domingo (15-08)
Xefe Suco Ne’e informa mos katak akontesementu ne’e iha relasaun ho Kazu ida nebe foin akontese liu ba iha dia 28 de Junu 2021 liu ba, tan ne’e Xefe Suco Belulik Leten Husi ba Autoridade relevante sira atu bele rezolve lalais problema nebe akontese hodi fo moris hakmatek ba komunidade sira nebe hela iha Area Fronteira Fatumea Covalima.
“Ida ne’e akontese relasiona ho Kazu ida nebe foin akontese iha dia 28 de junu liu ba iha Fronteira ita nian ho Indonesia, tanba ne’e ha’u informa ba parte relevante atu tenki foti medida oinsa para rezolve tia problema ida ne’e atu nune’e hau nia komunidade labele sai vitima no problema hanesan ne’e labele repete fila fali.” Katak Xefe Suco Belulik Leten.
Tanba ne’e Xefe Suco Belulik Leten Mos husu ba Autoridade Siguransa Atu foti Asaun Rigorosu hodi rezolve lalais Problema ne’e tan Geografikamente Komunidade sira iha Suco Belulik Leten Hala’o Aktividade Agrikultur no hakiak Animal iha Area Timor Leste ninian nebe Besik Liu ba Fronteira Timor Leste ho Indonesia.
“Hakarak Informa mos ba Parte Siguransa atu foti lalais Medidas Rigorozu nune’e hau nia komunidade sira bele moris hakmatek. Tanba geografikamente Hau nia Komunidade sira halo to’o no hakiak animal iha ita nia rain nebe besik liu ba Fronteira ho Indonesia, tan ne’e ha’u husu atu autoridade siguransa foti lalais asaun rigorozo nune’e hau nia komunidade sira bele moris hakmatek” Xefe Suco Belulik Leten Quintino Jose Amaral Hakotu
Iha Sorin Seluk Komandante Polisia Nasional Timor Leste (PNTL) Covalima Super Intendente Polisia Antonio Maria de Sa Afirma depois de rona akontesementu ne’e Polisia Unidade Fronteira (UPF) tun kedas ba ba fatin Akonsementu hodi halo Atuasaun maibe kazu Komunidade Indonesia Asantu Karaun atan Joao Amaral iha Has Metan Fatumea Suco Belulik Leten ne’e maibe PNTL seidaun halo prosesu tanba Komando Polisia Covalima Seidauk Simu Relatorio husi Komandante Polisia Esquadra Fatumea.
“Horsehik kedas ita nia Polisia UPF sira ba kedas halo Atuasaun ba Kazu ne’e, ida ne’e ba Vitima ne’e, maibe kazu ne’e ita sei Prosesu tanba hau mos seidauk simu Relatorio husi Komandante Esquadra Fatumea, tanba ne’e hau fo ona orientasaun atu fo relatorio mai para ita ivestiga ninia kronolojia ne’e” Dehan Komandante PNTL Covalima iha Salaun Administrasaun Covalima Wainhira Partisipa iha Engkontru Avaliasaun Aktividades Vasinasaun Covid-19 Fase III idade 18-59 iha Covalima.
Komandante Polisia Covalima Salienta liu husi Prosesu Investigasaun mak bele Identifika Akontesementu Asaltu Sidadaun Joao ne’e iha Ligasaun ho Kazu nebe Akontese iha dia 28 de jullu 2021 ka lae?
“ Iha Investigasaun mak ita bele determina ka disidi kazu ne’e ninia motivo iha ligasaun ho Kazu nebe foin lalais akontese iha dia 28 de Jullu ne’e ka oinseluk, Tanba iha Linha ne’e Kazu laos deit insidente nebe foin dadaun akontese iha dia 28 de Jullu ne’e deit maibe antes ne’e mos akontese, naturalemente ita bele hatete problema sira iha fronteira ne’e bele akontese, taba sidadaun sira utrapasa Ilegal no balu Halo Traksaun Ilegal.” Tenik Komandante Polisia Covalima Antonio Maria de Sa ba RCCT
Komandante Polisia Municpio Covalima Fundamente dadaun ne’e Komando Polisi Covalima Asegura ona Komunidade Vitima no mos Fatin Akontesementu ne’e hodi Prevene Sidadaun estrajeiru hakat tama Ilegal mai Timor Leste liu husi Fatumea.
“Agora dadaun Ita nia Polisia Sira Asegura ona Ita nia Vitima ne’e no mos fatin akontesementu ne’e, ita fo ona Orientasaun ba Polisia UEP, UPF no Polisia sira iha Esquadra hodi Asegura Vitima ne’e no Fatin akontesementu ne’e, tanba sira mak hakak mai ita nia area kuaze kilo ida iha ita nia rai laran hodi asalto ida nia ema ne’e” Katak Nia.
Entretantu dadaun Polisia UPF, UEP no Polisia Esquadra Fatumea iha ona fatin akontesementu hodi asegura vitima no mos fatin akonsementu nune’e hodi Prevene sidadaun sira hakat liu Frontreira liu husi dalan Ilegal.
Ekipa Kobertura RCCT
editor : Chamot Nahac
