Covalima (RCCT) 28-11-21, Tinan ida ne’e, iha Postu Administrativu Suai, ne’ebé sai hanesan Kapital Municipio Covalima, Komunidade la Partisipa Masimu iha Serimonia Issar Bandeira ba Komemorasaun Loron Proklamasaun Independensia ba dala 46 ne’ebé realiza iha Kampu Ladi Suai.
Ba Jornalista Radio Comunidade Cova Taroman (RCCT) Xefe Suco Debos Agustinho da Silva Hateten Komunidade Sira lá partisipa Iha Serimonia Issar Bandeira Nasional Tanba la iha Transporte hodi Mobiliza Komunidade sira husi Suco Mai fatin Issar Bandeira iha Kampo Ladi.
“Komunidade wainhira atu senti ukun an ida ne’e, Komunidade Sira husi Suco ida Idak tenki partisipa iha Serimonia ida ne’e maibe iha loro Ida ne’e komunidade hakarak Mai partisipa maibe Ita lori saída Mak lori komunidade lubu-lubuk Mai partisipa iha Serimonia ida ne’e, Komunidade menus partisipa tanba kestaun transporte Laiha” Dehan Agustinho da Silva.
Nia hatutan orsamentu ne’ebé aloka ba Kada Suco Iha Postu Suai la Sufisiente atu lori Komunidade Sira Partisipa iha Komemorasaun Loron Proklamasaun da Independence ba dala 46.
“Kada Suco hetan noventa dólar, saída mak Ita tenki halo, oinsa mak bele tula komunidade husi Suco sira mai konsentra iha Kampu Serimonia no hodi saída mak selu kareta, lori saida mak hola hahan ho be.” Agustinho esplika
Xefe Suco ne’e Salienta Osan ne’ebé aloka ba kada Suco iha Postu Administrativu Suai uza deit hodi sosa hahan ba Konsellu Suco sira durante kalan ida loron ida.
” Osan ne’ebé Mak Komisaun Organizadora aloka ba Suco, ne’e Ami uza deit ba Konsellu Suco Sira ne’ebé mak hein Bandeira iha dia 27 kalan no iha Komemora Loron Proklamasaun da Independensia ne’e” Xefe Suco Debos esplika
Entretantu tuir Observasaun Jornalista Radio Comunidade Cova Taroman, iha kampu Ladi, Realidade Komunidade Menus Partisipa iha Serimonia Issar da Bandeira Nasional.
Jornalista : Jhana Cardoso
Editor : Chamot Nahac
