Covalima (RCCT) 28-06-21, Relasiona ho moras Pandemia Covid 19, maka Ekipa Sentru Saude sira iha Postu Administrativu Hitu fo ona Vasinasaun AstraZeneka ba Komunidade hamutuk 7;822 iha Municipio Covalima.
Tuir Diretor Servisu Saude Municipio Covalima haktuir, Tuir tarjetu ba ema hamutuk 10.977, mak atu simu vasinasaun ba Promeiro Dose maibe ba dadaun ne’e seidauk kobre hotu, tanba distribuisaun Aimoruk Covid-19 Vasina AstraZeneka mai iha Municipio la tuir tarjetu.
” Iha Covalima ema nebe simu ona Vasinasaun hamutuk 7,822, maibe tuir lolos ita nia tarjetu ne’e hamutuk 10.977, depois to’o agora mos ita seidauk to’o tarjetu, maibe lolos ne’e ita bele liu ona tarjetu, so distribuisaun Vasinasaun mai iha ita nia Municipio ne’e maka la tuir ita nia tarjetu, tanba ne’e maka dadaun ne’e seidauk kobre hotu” Diretor Filipe dehan iha nia knar fatin iha Segunda Feira ne’e (28-06).
Diretor ne’e esplika liu tan, Servisu Saude Municipio la hetan orientasaun, kona ba aimoruk AstraZeneka fo deit ba ema ho idade 60 ba leten, Tanba ne’e pessoal Saude Sira halo enumerasaun ba ema ho idade 60 ba leten, no 60 mai kraik ba ema nebe ho moras oioin hodi hetan Vasinasaun.
” Ami la hetan orientasaun katak AstraZeneka ne’e fo deit ba ema tinan 60 ba leten, soke Agora dadauk ema nebe bele Sona maka, ema nebe maka pessoal Saude sira Registo ona, ba ema tinan 60 ba leten, no 60 Mai kraik ba sira nebe maka ho moras oioin (tensaun, diabetes, asmatiku, nsst) sira nemaka agora dadauk prioritiza Sona ne’e “ Filipe Esplika.
Engkuantu Dadaun ne’e sei prioridade ba ema ho idade 60 ba leten no 60 mai kraik ba sira nebe ho moras oioin, hafoin remata, Pessoal Saude sira sei Kontinua halo enumerasaun ba ema ho idade 18 to’o idade 59 atu nune’e hodi hetan Vasinasaun.
Jornalista. : Tynho Gusmao
Editor : Chamot Nahac
