Covalima (RCCT) 18-06-21 Ekipa Saude husi Sentru Saude Posto Administrativo Maukatar, halo Vasina ba Ema 71 iha Sede Suco Matai, nebe kompostu husi Feto 22 no Mane 49, husi total ne’e kompostu husi idade 18 to’o 60 ba leten.
Ba Jornalista RCCT Pontu Vokal ba Vasinasaun iha Posto Maukatar Leontino da Cruz hateten, tuir lolos Vasinasaun nebe maka Komunidade sira simu ne’e, ba Linha Frente sira nebe maka simu II doze, maibe iha orientasaun husi Ministerio da Saude (MS) katak, bele fo ba Ema nebe maka ho moras oin-oin, no la Taka dalan ba sira nebe la ho moras maibe hakarak simu Vasinasaun ne’e.
” Vasina ohin loron ne’e, tuir lolos ba Sira nebe maka Linha fente nian nebe maka atu simu II doze, maibe husi Sentru Saude Maukatar sona Linha Frente sira remata ona, entaun kartaun mai ho limitadu maka, komunidade sira husu rasik hakarak simu Vasinasaun ne’e, entaun Ami telefone ba Municipio husu kartaun, aimoruk Ida ne’e hanesan restu husi front line sira, maibe aimoruk ne’e La’os fo deit ba front line sira, iha orientasaun husi Saude Municipio aimoruk Ida ne prioridade ba Ema ho moras husi tinan 18 to 59 nomos ba Tinan 60 ba leten, maibe la Taka dalan ba se maka hakarak vasina” Leontino dehan iha Loron Sesta Feira (18-06) iha Sede Suco Matai.
Leontino hatutan, antes halo Vasinasaun ba Komunidade Sira, Ekipa Saude sira sei halo atividades Konjunta tama no sai komunidade nia Uma hodi esplika kona ba oinsa bele simu Vasinasaun AstraZaneka.
” Sesta Feira ohin Ami halo aktividades Konjunta hanaran, KSP, ami tama Komunidade Sira Nia Uma hodi esplika no husu ba Sira konaba Vasinasaun nian ne’e, entaun Sira mos iha hanoin katak Vasinasaun ne’e di’ak, Tanba ne’e maka Komunidade Sira mos hakrak entaun Ami labele impede fali, Ami tenke fo Vasinasaun ba Sira” Dehan Leontino.
Enkuanto Leontino mos Informa, Vasinasaun ne’e Sei iha kontinuasa Tanba ne’e, Sentru Saude Maukatar sei Taka orario ba Suco no Aldeia Sira nebe maka atu Simu Vasinasaun, Tanba ne’ Nia husu ba Komunidade Sira atu labele tauk Simu Vasinasaun, Tan aimoruk ne di’ak ba Ema hodi Satan Virus ba Ita Nia isin.
” Ba oin Ami sei iha kontinuasaun, nebe hau sei taka orario atu Tama suku no Aldeia Sira, Nebe Hau husu ba Hau Nia Komunidade Sira iha Covalima, liu-liu iha Posto Maukatar ne atu labele tauk, Tamba aimoruk ne Laos atu Oho fali, aimoruk Ida ne atu ajuda aumenta Ita Nia imunidade oinsa maka virus ne labele Kona Ita” Leontino hakotu.
Jornalista : Tynho Gusmao
Editor : Chamot Nahac
