Covalima (RCCT) 26-10-21,Komunidade Iha Lakalese, Aldeia Natardik, Suco Dato Tolu Posto Adminstrativo Fohorem Durante Ne’e Konsumu Deit Be Husi Mota Hodi Nesesita Moris Loro Loron Nian Iha Uma Laran.
Ba RCCT Abitantes Aldeia Natardik, Suco Dato Tolu Hanesan Mos Delegada Aldeia Informa Ba Radio Cova Taroman Iha Lakalese Hateten Durante Ne’e Komunidade Sira Kuru Deit Be Iha Mota Laran Hodi Konsumu Ba Moris Loron No Tempo Udan Komunidade Utiliza Udan Ben Hodi Kompleta Nesesidade Uma Laran.
“Tempo bai Loro ami kuru deit be iha mota laran karik ami nia transporte laiha entaun ami la’o deit maske dok realidade mak hanesan ne’e ona tempo udan ami la asesu ba be mos maibe ho pasensia ami se’i deit udan ben iha uma lori tein no hemu, ami husu ba Governo atu bele ajuda netik ami iha area Lakalese ne’e tanba ami susar tebes atu asesu ba be mos” dehan Komunidade Lakalese Maria Cardoso
Engkuantu Reponsavel Veteranus Suco Dato Tolu Alexandre Morais hateten durante tinan rua nulu resin ida ona komunidade iha area Lakalese Aldeia Natardik seidauk asesu ba be mos. Tuir Nia, iha tempu bai loro komunidade sira iha area Lakalese konsumu no kuru husi mota Lakalese, maibe kominidade Labele Hetan be Mos iha tempo udan tanba Mota Tun no Merak.
“Durante ukun an tinan sanulu resin ona Komunidade sira iha area Lakalese susar tebes atu asesu ba be mos sekarik halo aktividades ruma sir aba kuru deit be iha mota laran karik tempu bai loro entaun sira sei uja netik be mos karik tempu udan pasensia sira uja deit udan ben no merak ne’e mak hodi hemu no tein” katak Alexandre Morais Iha Lakalese, Aldeia Natardik, Suco Dato Tolu Segunda Feira (25/10)
Entretantu Komunidade no Veteranu iha Lakalese, Aldeia Natardik husu ba Governu liliu ba Ministerio Relevantes atu Buka Solusaun hodi responde ba Komunidade nia nesesidade iha Natardik Liu liu atu responde kona Be mos ba Komunidade sira.
Jornalista : Saturnino Soares
Editor : Chamot Nahac
