Komputador Avaria EBC Beco Obrigadu Debe Rental

Covalima (RCCT) 11-05-22, Komputador tolu ne’ebé apoiu husi Ministeriu Edukasaun ba Eskola Baziku Central ( EBC) Beco avaria durante Tinan Tolu ona fo impaktu ba servisu Administrasaun inklui preparasaun materia ezame ba estudante sira.

Diretór Eskola Basiku Central (EBC) Beco Quintinho Quintão hateten iha ambito ezame profesor sira tenki ba Rental hodi ketik no print materia ezame ne’ebé prepara ona.

“Hahu husi 2019 to’o agora ami araska konaba servisu Administrasaun no prepara materia de ezame, tanba komputador ne’ebé mak Edukasaun apoiu ne’e avaria hotu ona, tanba iha ambitu ezame hakarak ka lakoi materia ne’ebé ami prepara tenki print deit iha rental” Dehan Diretór EBC Beco Quintinho Quintão iha nia kna’ar Fatin EBC Beco Quarta Feira ne’e

Nia hatutan materia sira ne’ebe mak profesor Sira print iha Rental wainhira iha Osan sira selu kedas maibe la iha Osan obrigadu Tenki debe

“Ami nia problema bo’ot ne’ebé ami hasoru ne’e iha preparasaun ba iha materia exame final tanba involve iha Ezame final ne’e kompostu husi sestu ano no nonu ano, tamba ne’e ami nia preparasaun ne’e at tebes, at tebes tanba ne’e ami tenki ba iha Rental hodi print bainhira ami iha Osan entaun Ami selu kedas wainhira la iha osan entaun ami tenki debe no osarmentu konsesoens ekolar mai mak ami selu” Nia haktenik

Nia informa orsamentu konsesoen eskolar ne’ebé sira hetan la sufiesiente atu hadi’a ekipamentos ne’ebé avaria tanba IT ne’ebé atu hadi’a ekipamentos ne’e husu folin karun.

“Foi lalais Sira Mai atu hadia nee Sira husu $1000.00 entaun Diak Liu Ami Sosa Foun deit ona Tamba konsesoen nee atu hadia fasilidade Laos komputador deit maibe fasilidade seluk Tan karik Ita hadia hotu hodi saída Mak responde na labarik Sira Nia nesecidade”Nia esplika

Ekuanto ekipamentos ne’ebé avaria ne’e ministério Edukasaun apoiu iha 2012 hari eskola EBF Beco no avaria Hahu husi 2019 to’o agora.

Entretanto Relasiona ho preokupasaun ne’e Diretor EBC Beco Quintinho Quintão hato’o ona ba Nasional no hato’o ba iha edukasaun Munisipiu no sira rasik ba hare direita iha EBC Beco Maibe seidauk fo solusaun ba Problema ho Komputador ne’ebé EBC Beco Infrenta

Jornalista: Jhana Cardoso

Editor     : Chamot Nahac