Covalima ( RCCT ) 25-11-21, Relasioana ho selebrasaun loron Proklamasaun da Independensia ba dala ha’at nulu resin nen ( 46 ) Comisaun Organizador hamutuk ho Vice Ministro Edukasaun loke abertura atividade kompetisaun Kultural ba Estudante Sekundaria sira iha salaun Eskola Sekundari Publiku ( ESGP ) Suai.
Rui Amaral Suri Seran Responsavel Kultural iha Municipio Covalima hateten iha kompetisaun ne’e ba modalidade tolu mak hanesan hatais tradisional, Poezia, no Vokal.
“Estudante sira ne’ebé mak kompete ne’e ba modalidade tolu ( 3 ) mak hanesan hatais tradisiona, lee Poezia, no Vokal. hotu hotu refeleta ba kultura original, Estudante sira ne’e mai husi Ensino Sekundaria Publiku Jeral Suai, Eskola Katiloka Ave Maria Suai, Eskola Teknika Vokasional Suai no Eskola Teknika Vokasional Kristal Suai, maibe eskola balu mak ami konvida la konsege mai partisipa tanba ho preokupasaun izame no simu sakramentu Krisma halo estudante sira iha eskola seluk ne’e ka partisipa isa kompetisaun kultural ne’e ” Responsavel Kultural iha Municipio Covalima Rui Amaral Suri Seran, Esplika
Vice Ministru Edukasaun Juventude no Desportu (MEJD) Antonio Guterres Orgullo hare estudante sira hatais tais iha abertura ba kompetisaun kultutal ne’e tamba kultura mak identidade Timor nian.
“Ha’u hanoin Kompetisaun Kutural ne’e hola parte iha atividade seremonia selebraun komemorassaun ba aniversariu proklamasaun independensia Timor Leste ba dala 46, maibe ha’u mos hetan fiar no delegasaun husi Governu katak tinan ida ne’e ha’u selebra hamutuk ho komunidade sira iha Covalima ho ida ne’e ha’u haksokok tebes bele partisipa mos iha atividade kompetisaun kultural ida ne’e no ha’u orgullu wainhira hare estudante sira uja tais tradisional hodi kompete iha atividade ida ne’e ” Informa Vice Ministro Educacao Antonio Guterres.
Entertanto iha Seremonia Abertura ba atividades Kultural ne’e Vice Ministro Educacao Antonio Guterres guterres husu ba estudante sira iha teritorio Timor Leste liu liu estudante sira iha Covalima labele haluha ita nia Kultura tanba Kultura mak hanesan identidade Timor nian.
Jornalista : Saturnino Soares
Editor : Chamot Nahac
