Covalima (RCCT) 2909-21.Kompanha lokal Bazrah Litrix Unipesoal Lda hanesan kompanha lokal ida nebe maka ezisti iha Municipio Covalima Apoio Handpod Dizital(Gimbal) ba Radio Comunidade Cova Taroman hodi fasilita aktividade Jornalismu ninia iha Covalima.
Diretora Kompanha Bazrah Litrix Unipesoal Lda. Bazrah Trinity Valentina Moniz do Rego iha intrevista hateten ekipamentos nebe maka oferese ba radio Comunidade Cova Taroman ho objective atu ajuda jornalista sira hodi halo kobertura iha terenu.
“Nudar kompanha lokal iha Munucipio Covalima ami iha inisiativa rasik hakarak apoiu ekipamentos hanesan Handpod Dizital(Gimbal) ba Radio Comunidade Cova Taroman atu nune bele ajuda jornalista sira bainhira tun ba terenu hodi halo kobertura ” Katak Diretora Bazrah Litrix Unipesoal Lda.
Iha fatin hanesan Jestor RCCT Sancho Alves Orgollu ho inisitiva nebe kompania Bazrah Litrix Unipesoal Lda iha, tanba konsidera apoio ne hanesan motivasaun ida ba RCCT.
“Ami Apresia ba Inisiativa husi Bazrah Litrix Unipesoal Lda hodi fo Apoio ba RCCT, no ami konsidera be hanesan Motivasaun mai ami atu bele halo servisu ho diak liu tan” esplika Jestor RCCT.
Entretantu Diretura Bazrah Litrix Unipesoal Lda enkoraja Jornalista Voluntario sira Iha RCCT atu nafatin halo servisu ho profesionalizmu hodi divulga informasaun ba publiku ho lolos no lalais.
Jornalista : Lito de Jesus
Editor : Chamot Nahac
