Covalima (RCCT) 21-09-21, Atu halo Fiskaliza regras husi Ministériu Saúde kona kna’ar no responsabilidade PNTL nian hodi apoio Servisu Integradu Jestaun Krize nune bele asegura atividades hotu relasiona ho Pandémia Covid 19. Maka Komandante Geral Polisia Nasional Timor Leste (PNTL), Komisariu Faustino Da Costa halo vijita daruak ba Komando PNTL Munisipiu Covalima nebe simu husi Komandante PNTL Munisipiu Covalima ho nia membru sira iha Quarter Jeral PNTL Covalima
” Ita hotu hatene Desde husi 27 de Marsu Timor-Leste afeitadu ho Covid-19, entaun ita nia Governu deside kedas hodi dekreta Estadu Emergensia (EE), tanba ne’e maka hahu loron ida ohin ne’e, kna’ar no responsabilidade ida Pólisia Nasional Timor-Leste maka tenke asegura Atktividade sira liga ho Pandemia Covid-19, Tantu parte ida atu halo Fiskalizasaun ba regras sira ne’ebé implementa tuir protokolu Ministériu saúde (MS) no OMS nian” Komisariu Faustino dehan wainhira halo deskursu durante Vizita ba Komando PNTL Covalima.
Komisariu Faustino Saliente, sei kontinua observa Postu Vijilansia balun nebe konstrui durante Pandémia Covid-19 nebe dadaun ne’e funsiona ona iha Linha Fronteira.
” Vijita ida loron ohin hanesan vijita daruak nian iha tempu Pandemia Covid-19, Vijita dahuluk ita bot sira hatene, Instala ona Postu Permanente balun iha area fronteira ninian, No antes Covid-19 ita la konstrui postu seguransa iha área Fronteira, no Oras ne’e ita usa ona postu ne’ebé mak ita hari iha tempu Pandémia Covid-19 no agora funsiona ona” Faustino Da Costa hateten.
Enkuantu dadaun ne’e hari ona Postu Vijilansia permanente iha tempu Pandémia Covid-19 maka hanesan iha Postu Maukatar Pertense iha Aldeia Hatu ho Lakmaras Indonesia, Postu Fatumea, no iha Postu seluk nebe pertense iha Linha Fronteira.
Entretantu Komandante Geral PNTL Komisariu Faustino da Costa halo vijita ba daruak ba Edifisiu PNTL Covalima ne’e atu reforsa no identifika tuir Prógrama Governu nian, no observa Postu Vijilansia tanba Fatin nebe maka hari Postu Vijilansia konsidera Fatin nebe atu halo actividades ilegal.
Jornalísta : Tynho Gusmão
Editor : Chamot Nahac
