Covalima (RCCT) 16-03-23, Komisariu CNE destakadu Aileu no Covalima, Calistro Martins, husu ba Ofisial Supervizaun Eleitoral (OSE) sira hotu iha Covalima tenke hamrik impasialidade labele hali’is ba kor partidu.
Komisaun ne’e husu ba OSE hotu atu koloka an imparsial ho fo servisu ba partidu Politiku hotu hodi fasilita eleitor sira bele ba vota iha loron votasaun.
“Hanesan dutrina ida ne’ebé CNE fo ne’e, tenke garante imparsialidade labele halii’s ba kor ida ne’e ou kor ida ne’eba, agora sente tama hanesan parte familia bo’ot orgaun administrasaun eleitoral ida ne’e, ita nia hanoin ida partidaria ne’e haluha tiha, koloka o nia an imparsialidade hodi serbisu ba partidu politiku hotu, ita laiha interese so ita iha interese oinsa prosesu atu fasilita ita nia eleitores sira bele ba vota iha loron votasaun” informa Komisariu CNE destakadu Aileu no Covalima, Calistro Martins, ba jornalista sira hafoin fo formasaun ba OSE ne’ebé hala’o iha salaun Eskola Sekundaria Geral Publika (ESGP) Kinta (16/03).
Nia dehan CNE orgaun Independente atu fasilita no tau matan ba aktus eleitorais hotu iha tempu antes de loron eleisaun, loron eleisaun no depois de eleisaun no halo apuramentu iha sentru votasaun iha mumisipal no nasionàl depois aprezenta apuramentu ba tribunal rekursu.
Jornalista : JS
Editor : CN
