Covalima (RCCT) 13-01-22, Bazeia ba resolusaun do Governu Numeru 11/2017 dia 27 de Febreiru de 2017 kona ba Dia do Sandalo e das Floresta ne’ebé Governu deklara tia ona, tanba konsidera Sandalo hanesan species nativa ne’ebé integra iha Patrimoniu Ambiental no importante atu proteje konserva ba interese Nasional.
Xefi Departemento Floresta Covalima Fransisco Sarmento hateten, liga ho Komemorasaun Sandalo e das Floresta ne’e tuir Planu Departementu Representasaun Territorial Floresta Cafe e Industriais lansa Ai kameli hamutuk 556.
“Tuir ami nia planu Aikameli nebe ami kuda hamutuk 556 pes, tanba Ita hare ba ho Luan area meiu hektares deit, Aikameli nebe ami ne’e ho nia medida kuda 3×3, no ami kuda mos Ai Manohi hale’u hamutuk 50 pes, atu nune’e bele fo mahon ba Ai Kameli nebe mak ita kuda ne’e, tanba tuir ami nia hare hanesan Ai mis ne’e bele fo fresku ba Ai nebe mak ita kuda ne’e” dehan Xefi Departemento Floresta Covalima Fransisco Sarmento iha nia Kna’ar Fatin
Francisco Sarmento Salienta, Departemento Reprezentasaun Territorial Floresta Cafe e Industriais ne’ebé sei kontinua kuda tan Ai oan ba iha Postu Administrativu 5 (Fatumea, Fohorem, Fatululik, Maukatar, Zumalai).
“Tuir planu ba oin ami sei kuda perodikamente ami sei kompleta tan ba iha problema Kona ba Ai Kameli tanba foin dadauk ne’e ami produs Ai Kameli nebe iha Viver Komunitarius sira hamutuk Postu 5 Fatumea, Fohorem, Fatululik, Maukatar, no Zumalai, Ai oan sira ne’e iha balu mak seidauk to’o tempu ita atu kuda” katak Fransisco Sarmentu
Entretantu Partisipa iha lansamentu Ai Kameli ne’e Administrator Municipio Covalima, Administrator Postu Tilomar, Diretór Agrikultur Municipio Covalima, Komandante UPF, Autoridade Suco, OPS, no Reprezentante Komandate PNTL Municipio Covalima.
Jornalista : Aje Ferreira
Editor : Chamot Nahac
