Komemora Masakre Santa Kruz ba dala 30, CJC Realiza Semanario ba Estudante no Juventude

Covalima (RCCT) 11-11-21, Centru Juventude Covalima (CJC) realiza Seminário ba Juventude no Estudante Sira ho tema espírito as’wain 12 de Novembru nia, Juventude Autor Importante ba proteje Timor Leste hodi Komemora Loron Nasional Juventude ba Dala 16 no Loron 12 de Novembru Masakre de Santa Kruz ba dala 30.

Iha seminário ne’e Comandante PNTL Eskuadra Suai Cesilia de Jesus Amaral hateten buakae ne’ebé Juventude sira hetan atu habelar ba Joventude Sira seluk tanba uluk 12 de Novembru Juventude Komete ba Konflitos tanba hakarak atu ukun rasik an no hakarak kaer Metin kuda Talin iha Timor Leste Tanba ne’e Juventude agora labele hanoin atu hamosu Konflitos.

“Alin Sira Buakae ne’ebé kak Ita bo’ot sira hetan husi seminário Ida ne’ ita bo’ot sira fahe tutan ba Juventude sira seluk, labele hanoin atu halo konflito, uluk Juventude sira halo konflitos hakarak ukun rasik an hakarak kaer Metin kuda Talin iha Timor Leste “Dehan Cesilia

Iha Fatin hanesan, representante Administrador Municipio Covalima, Adjunto Administrador Francisco de Jesus Alves, fo ne’ebé Apresiasaun bo’ot juventude sira nia Kontribuisaun hodi Apoio Propagasaun Covid-19 Liu husi fo Apoio ba Pesoal Saude sira nia Servisu.

“Ha’u Hanoin ba Joventude Municipio Covalima Ita bo’ot sira nia servisu hanoin atu respode ba pandemia Ida ne’e, Ha’u hodi Administrador nia naran hato’o Apresiasaun Tanba Ita bo’ot sira sia servisu makas tebes hodi apoiu Ita nia tiun, maun, mana sira iha saúde hodi kontra pandemia covid -19 ” Francisco apresia

Enkuanto Francisco Alves mos Apresia ba Ekipa Servisu Covalima Vitoria ho Domin 20 (EKSES-COVID20) no Media Sira. tanba maske lá hetan sira direito maibe prontu alista an iha linha frente .

“Tinan Ida Liu ba Ita Nia Juventude Sira Halibur an hamutuk iha ekses covid -20 no mos Ita Nia media Sira ne’ebe Mak apoiu maka’as tebes luta kontra covid -19 maske Ita bot Sira lahetan Ita bot Sira Nia direito Maibe Ita bot Sira voluntáriamente alista Ita bot Sira Nia iha linha frente já pedi Duni moras at Ida ne husi Ita Nia nasaun Timor Leste Tamba ne’e Hau fo apresiasaun ba Ita bot Sira no atu kontinua saída Mak Ita bot Sira halo dadaunk nee “ hateten Francisco

Nune’e Francisco Alves husu ba estudante no Juventude sira atu valoriza sobrevivente no veteranos Sira.

“Ha’u husu ba alin estudante no mos juventude Sira atu valoriza Ita Nia tiun Ita Nia aman Inan luta nain Sira Tamba nasaun ne’ebe bot nasaun ne’ebe Mak dignifika Nia herói Sira Tamba uluk Sira luta Laos deit hasoru moras Maibe Sira hasoru nos kilat musan todos Sira Nia isin ne krekas ka ki’ik Maibe Sira Nia pensamento ba ukun rasik an la ki’ik hanesan Sira Nia isin ” Adjuntu Administrado Covalima hatutan

Entretanto liahirak ne’e hato iha salaun uma feto Covalima waihira CJC realiza seminário ba estudante no juventude Sira hodi Komemora Loron Juventude Nasional ba Dala 16 no Loron Masakre Santa Kruz ba dala 30.

Jornalista :Jhana Cardoso

Editor       : Chamot Nahac