Komemora Loron Padroeiru-Amo Parokia Fohorem “Laiha Sarani Kongregasaun Servisu Iha Igreja Mate”

Covalima-Fohorem (RCCT) 25-06-22–Sarani Parokia Imakulada Korasaun Maria Fohorem Antisiasmu partisipa iha komemorasaun loron padroeiru Parokia dala XXX ne’ebé hatur ho tema “Ha’u fuan haksolok ho ita maksoin, Ha’u hananu ba ita, tan buat k’manek ne’ebé haraik mai Ha’u”

Notisia Relevante: https://www.rcct.tl/aban-sarani-parokia-fohorem-festeza-loron-padroeira-ba-dala-xxx/

Loron 25 Fulan Junu mak loron ne’ebé Igreja Fohorem hatadan sai fatin ba sarani sira hodi hadesu fiar ba Maromak nudar ema katolika, Fohorem Hamosu Igreja ne’ebé Hadesu sai Parokia Imakulada Corasaun Maria hodi hasudi Sarani Estasaun 3 hakarin ba Kapela 11 mak partense iha Postu Administrativu Fohorem, Fatumea no Fatululik hatadan kedas iha tinan 1992.

Amo Parokia Fohorem, Padre Belarmino da Costa Oliveira.cmf hateten, Igreja ne’e Kreda, kreda Katak Sarani Sira, neune’e bainhira sarani sira la fo sira nia an, la fo sira nia tempu atu bele kolabora ho amo sira, maka kongresaun sira ne’ebé servisu ne’e igreja sei mate.

Maibe igreja mak sarani, nune’e sarani sira moris, igreja mos moris, Amo sira mai servisu de’it, mai tau matan, mai bali, nune’e Igreja sarani sira mak tenke servisu hamutuk ho amo Sira oinsa hare, bali ita nia paroki ne’e.” Katak Amo Paroko Igreja Imakulada Korasaun Maria, Fohorem ba RCCT iha Resinto Igreja Fohorem hafoin remata misa final ba selebrasaun loron padroeiru Igreja Fohorem.

Amo Paroko ne’e hanaruk, Sarani sira parokia Fohorem iha konsensia hodi hare hetan fiar ba ba Igreja.

“Ha’u hanoin katak sarani iha konsensia bo’ot, Barak ona oinsa sira bele hateke hetan fiar ne’e ba igreja, sira bele halo buat ne’ebe di’ak Liu tan.” Tenik Padre Belarmino.

Nune’e Amo parokia Fohorem ne’e mos hameno lia ba sarani sira husi stasaun 3 ne’ebé hamahon iha Parikia Imakulada Korasaun Maria, fo Neon no lolon liman ba malu hodi tau fiar di’ak liu ba Maromak hodi tau matan ba igreja Fohorem.

Ha’u nia mensajen ba sarani sira Paroki Fohorem liu liu atu lolon liman ba malu, Fo laran ba malu, fo neon ba malu, Fo hanoin ne’ebé di’ak, Ho fiar ne’ebé di’ak ho domin aman maromak nian Atu ita bele hare ita nia paroki ida ne’e.” Amo Herminio Hameno.

Ruben do Rego Alves, nudar sarani no sekretariu konsellu parokia Fohorem no sekretariu Komisaun ba selebrasaun loron padroeiru Igreja Imakuladu Korasaun Maria dehan, Hamosu hikas spiritu espiritu no sentimentu nudar Sarani no mos atu promove kultura ne’ebé konsidera hanesan Identidade Timor Nian.

objetivu husi selebrasaun ne’e atu hamosu hikas espiritu no sentimentu nudar sarani ba loron Nossa senora Maria Imakulada nian, ida seluk mak atu promove ita kultura ne’ebé hanaran idetidade Timor nian, nomos promove juven sira nia kapasidade hanesan jerasaun kontinuador ba Estadu RDTL liu husi aktividade aprezentasaun dansa tradisional no tebe orizinal no mos kopetisaun sertame no Le Biblia no seluk tan husi sarani sira estasaun 3, Kapela 11 iha nanis oan” Ruben Informa.

Entretantu serimonia Komemorasaun Loron festa padroeira Parokia Imakulada Korasaun Maria Fohorem ba dala XXX, monu iha Sabado Ohin, loron 25 fulan Maiu tinan 2022, ne’ebé esnsera ho Selebrasaun Eukaristia iha Igreja Parokia Imakulada Korasaun de Maria Fohorem, no fahe Premiu ba Manan na’in iha kompetisaun sira hotu.

Jornalista : Reportazen RCCT
Editor.        : Chamot Nahac