Covalima ( RCCT ) 10-12-21, Asosiasaun Halibur Difisiensia Matan Timor Leste (AHDMTL) realiza Seminariu hodi Komemora Loron Direitus Humanus Ba Ema Hotu Inklui Ema ho Difisiensia ho Tema Jeral Hamenus Dezigualidade Hakat ba oin ho Direitu Humanus. Ema Hotu Moris Livre No iha Dignidade no Direitus ne’ebé Hanesan.
Iha Seminariu ne’e Diretór Ezekutivu AHDMTL Gaspar Afonso hateten objetivu husi Seminariu ne’ebé realiza iha Komunidade sira ne’e let, atu Komunidade sira bele intende ema ho difisiente nia direitu ne’ebé konsagra ona iha Konstituisaun RDTL.
“ Ohin Ita mai Hamutuk mai iha Municipio Covalima,Postu Administrativu Suai iha Suco Beco ho Objetivu ita lori atividade hirak mai besik ema ho difisiensia iha area rural, atu hateten katak Komunidade sira tenke intende ona ema ho difisiensia ne’e iha Direitu ne’ebé mak konsgra ona iha Konstituisaun RDTL iha Artigu 21 no artigu 26. no selebrasaun ida ne’e loron mundial ba ema ho difisiensia no loron direitus humanus, tamba ne’e Nasaun hotu hotu selebra ba loron ida ne’e inklui Nasaun Timor Leste rasik ” Informa Diretur Executivu AHDMTL Gaspar Afonso.
Diretór Ezekutivu AHDMTL ne’e hanaruk lori atividade besik ema ho Difisiensia iha area remotas ho meius ida atu loke Autoridade no Inan aman nia Konsiensia nune’e bele husik livre sira nia oan sira ne’ebé ho kondisaun difisiensia hamutuk iha Assosiasaun Difisiensia nian.
“Parte lori atividades hirak ne’e besik ema ho difisiensia iha area remotas ho meius ida atu loke nai ulun no inan aman sira nia fuan nune’e sira bele husik livre sira nia oan sira ne’ebé ho kondisaun difisiensia hodi hamutuk ho ami iha Assosiasaun Difisiensia nian, no ema seluk labele dehan sira husik sira nia ona sira fo han labele ne’e sira dehan sala, Ita lori sira ba iha Assosiasaun Difisiensia ne’e para sira bele aprende lee no hakerek no buat seluk tan mak sira sei aprende iha Asosiasaun ne’e rasik atu nune’e sira mos bele sai matenek bele ba kompetisaun iha Nasaun liur sira ” Hanaruk Diretór Ezekutivu AHDMTL Gaspar Afonso.
Dirertur Executivu AHDMTL hateten tuir dadus husi sensus estatistika nian Ema ho difisiensia iha Timor Leste hamutuk rihun tolu nulu resin walu atus ida sanulu resin Walu (38.118 ).
“ oras ne’e dadaun sira nia parte rezistu ona ema ho difisiensia matan hamutuk rihun sanulu resin ha’at atus walu rua nulu resin walu ( 14.828 ), no total ema ho difisiensia geral hamutuk rihun tolu nulu resin walu atus ida sanulu resin Walu (38.118 ) Ne’ebe mak sei hela iha alfavetizasaun hamutuk rihun rua nulu resin lima atus hitu walu nulu resin sia ( 25.789 ) ” informa Diretór Ezekutivu AHDMTL Gaspar Afonso
Enkuantu iha fatin hanesan Saseluk Administrador Postu (APA) Suai Laurentino de Yesus hateten nu’udar sevisu na’in estadu nian nafatin servisu hamutuk Assosiasaun Difisiensia atu nune’e bele promove Nasaun Timor Leste ba oin.
“ Ami iha Municipio Covalima pronto atu servisu hamutuk ho Assosiasaun Difisiensia atu nune’e hodi promove Ema Difisiensia sira hodi ita la’o hamutuk hodi dezemvolve rai doben Timor Leste liu liu iha Municipio Covalima, Postu Administrativu hitu ( 7 ) Suco Tolu Nulu ( 30 ) mos liu liu iha Postu Suai iha Suco lima ( 5 ) nia laran, ami la despreza ema ho difisiensia, tanba hamutuk ho ema hotu inklui ema ho difisiensia sira mak bele hadahur no harame ita nia kultura sira liu liu iha Municipio Covalima nia laran ” dehan Saseluk APA Suai Laurentino de Yesus.
Entretantu Diretór Ezekutivu AHDMTL husu ba Komunidade sira iha Municipio Covalima, Postu Administrativu hitu, Suco tolu nulu nia laran atu servisu hamutuk hodi fo livre ba sira nia oan ne’ebé mak moris ho difisiensia atu hamutuk iha Assosiasaun Difisiensia atu nune’e sira mos bele aprende baut di’ak ruma husi Assosiasaun refere.
Jornalista : Saturnino Soares
Editor : Chamot Nahac
