Komemora 30 de Agustu ba dala 22-Ojorio-Mau Soko “Veteranus labele involve iha organizaun ilegais

Covalima ( RCCT ) 30-08-21, Loron 30 Fulan Agustu hanesan loron konsulta polular ba dala 22 iha tinan ida ne’e, tanba ne’e Vice Prezidente Vetranus Munisipio Covalima Ojorio Soares “Mau Soko” husu ba vetranus no veteranas sira atu labele involve iha organizasaun ilegal maibe veteranus sira tenke hamrik hamutuk ho governu hodi asegura instabilidade no dezemvolvementu nasional.

Ba Veteranus no Veterana,konbatentes da libertasaun hotu hotu iha Timor Leste laran tomak liu liu iha Munisipio Covalima atu labele involve an iha organizasaun ilegal, vetrana no veteranus la bele monu ba failansu politika, veteranus tenke involve no hamrik metin ho governu, veteranus tekenke servisu hamutuk ho instituisaun hotu hotu, militar, sivil no governu, veteranus tenke hamrik metin asegura estabilidade nasional no veteranus tenke involve an iha dezemvolvementu nasional ” Informa ba RCCT Via telefone Vice Prezidente Veteranus Munisipio Covalima Ojorio Soares “Mau Soko”.

Vice Prezidente veteranus munispio covalima hatutan tuir lolos iha loron 30 fulan agustus loron konsulta popular ne’e halo seremonia bo’ot maibe tamba serka sanitaria labele halo seremonia hasa’e bandeira nasioanal hamutuk ho komunidade.

Ita hotu hotu hatene tuir lolos ohin ne’e komunidade hamutuk ho autoridade lokal no nasional sira halo festeza bo’ot hodi hanoin hikas ba loron konsulta popular, maibe ho situsaun serka sanitaria tamba deit moras Covid-19, ita hotu hotu la bele realiza festeza ba loron konsulta popular ne’e, ho ida ne’e ita hotu hotu tur hamatek iha ida idak nia uma no bandeira nebe komunideda sira hasa’e ona iha imi uma oin ne’e mos ita bo’ot sira lembra ona loron konsulta popular ne’e ” tenik vice prezidente Veteranus Munispio Covalima Ojorio Soares Mau Soko.

Tuir Mau Soko, tamba ho situasaun serka sanitaria Comunidade no autoridade lokal sira labele halibur malu hodi realiza hasa’e bandeira nasional iha Posto Administrativu no iha Munisipio maibe Populasaun hotu iha Covalima hasa’e bandeira iha sira nia uma deit hodi komemora loron 30 fulan agustus hanesan loron konsulta polular ba dala 22

Jornalista : Saturnino Soares

Editor : Chamot Nahac