Komandu PNTL Munisipiu Covalima Garantidu Siguransa iha Festa Natal 2021no Tinan Foun 2022

Letratu: Komandante PNTL Covalima, Super-Intendente Polisia Antonio Maria de Sa: Foto (RCCT) Asato Soares

Covalima ( RCCT ) 16-12-21, Komandu Jeral Polisia Nasional Timor Leste ( PNTL ) Hatun ona Orientasaun ba Seguransa PNTL sira iha Munisipiu hotu atu halo Seguransa ba loron Santa Natal no Tinan Foun 2022.

Relasiona ho Orientasaun ne’e Super-Intendente Polisia Antonio Maria de Sa, hanesan Komandante PNTL Munisipiu Covalima mos fo ona Orientasaun ba Komandante Eskuadra sira iha Postu Administrativu hitu hodi atu seguransa ba loron Natal no Tinan Foun.

Tuir Komandu Jeral PNTL, hanesan instituisaun aprellu Estadu nian, tanba ne’e Komandu PNTL Munisipiu Covalima fo ona orientasaun ba Komandante PNTL sira iha Eskuadra Postu Administrativu Hitu, tantu unidade siguransa sira hotu no halo mos kordensaun siguransa tarefas sira hotu ne’ebé mak destaka iha Munisipiu Covalima laran, ita pronto garantia seguransa liu liu liga ho loron bo’ot Natal no Tinan foun nian, Katak iha loron Natal no Tinan foun ne’e ita iha ambitu ne’ebé mak iha paz, hakmatek no Establidade, tamba ne’e husu komunidade sira bele demonstra sira nia fiar hodi prepara an hodi simu Kosok oan Nai Jesus ne’ebé mak atu moris” Informa Komandante PNTL Covalima, Super-Intendente Polisia Antonio Maria de Sa iha nia k’naar fatin Quinta Feira Ohin.

Super-Intendente Polisia ne’e hatutan Orientasaun husi Komandu Jeral la autoriza mos ba Juventude sira hodi halo prezepiu iha dalan ninin maibe bele hari deit iha ida idak nia uma sorin no mos labele hemu lanu iha Prezepiu.

Despaixu husi Komandu Jeral PNTL hatun mai iha Munisipiu bainhira ita komemora Santa Natal, Juven sira atu halo prezepiu karik labele halo iha Estrada ninin, bele halo deit prezepiu iha ida idak nia uma, tamba ita desmostra ita nia fiar ne’e labele hatudu fali iha Estrada ninin, depois hamosu risku ingrafamentu movimentu puliku no mos seluk seluk tan, segundu bainhira ita halo prezepiu tenke respeitu nia tamba ita komemora loron moris Jesus Kristu nian, ita labele hemu lanu fali iha prezepiu no dansa fali iha prezepiu laran ida ne’e bandu tamba prezepiu ne’ebé mak ita halo ne’e ho sentidu hametin ita nia devosaun fiar nian ” Tenik Komandante Polisia, Antonio Maria de Sa.

Entertantu iha intervista ne’e Super-Intendente PNTL Munisipiu Covalima Antonio Maria de Sa husu Komunidade sira hotu iha Munisipiu Covalima liu liu ba Juventude sira labele halo barullu no hemu lanu hodi halo problema, maibe tenki hari unidade hodi hametin paz no establidade iha Covalima.

Jornalista : Saturnino Soares

Editor      : Chamot Nahac