Covalima (RCCT) 14-06-21 Komando Polisía Nasional Timor-Leste (PNTL) iha Municipio Covalima Selebra Loron Santo António nebe sai Padrueiru no mahein Edifísio Komando PNTL Municipio Covalima.
Super Intendente Polisia António Maria de Sá hanesan Komandante PNTL Municipio Covalima iha nia deskursu hatete, Santo Antonio hanesan mahein ba rai Timor, no iha Instituisaun Polísia Nasional Timor-Leste (PNTL) mahein maka Santo António, tanba ne’e iha deskursu ba selebrasaun ne’e Komandante Antonio enkoraja membru PNTL no sarani hotu, atu agradese ba mahein Santo António, tanba milagre ne’e sei mosu ba ema ida-ida.
“ Ita nia santo ne’e hanesan rai Timor ne’e nia mahein, nomos hanesan mahein ba Instituisaun PNTL ida ne’e rasik, ne’ebe dalaruma nia hali milagre ba timor oan ida-ida, dalaruma balu maka la konta sira nia Istoria, ne’ebe ita labele para ho ita nia agradese, nafatin agradese ba santo Antonio, tamba sira maka ita moris ” Esplika Komandante Antonio
Komandante PNTL Municipio Covalima ne’e mos agradese ba Sarani sira hotu nebe maka kada tinan sempre selebra Loron Santo nian, tanba konsideran hanesan Santo sira maka sai hanesan Mahein ema nia moris.
“ Lori Estrutura no Komandante Geral nia naran hato’o agradese ba Sarani sira hotu, tanba tinan tinan sempre selebra loron santo nian, tanba ita hotu hatene ona katak Santo sira ne’e maka hanesan ita nia mahein ida ” Dehan Komandante Munisipio.
Komandante Antonio Subliña, Selebra Loron Santo Antonio ne’e hanesan halo reflesaun ida ba ida-idak nian tuir doutrina ne’ebe maka iha.
“ Ita nia Instituisaun PNTL Komemora loron Santo Antonio ne’e, atu ita mos bele refleta ita nia an, tuir ninia doutrina nebe maka nia hanorin mai ita, atu ita iha domin tuir ema ida-idak nian iha kualker se deit, fo domin ba malu no moris iha dame nia laran ” Komandante ne’e esplika.
Kontributor : Jornalista Estudantil ESGP-Suai (Arminda&Juvita)
Editór : Tynho Gusmão
