Komandante PNTL Covalima-Nasaun La Konsidera OAM no GAR hanesan Anak Tiri 

Komandante PNTL Covalima, Superintendente Polisia Basilio de Jesus; Foto RCCT/Jana Cardoso

Covalima (RCCT) 30-04-22, Komandante Polisia Nasional Timor Leste (PNTL) Covalima hateten Nasaun la konsidera Organizasaun Arte Marsial (OAM) no Grupu Arte Ritual (GAR) hanesan Anak Tiri (Oan Hakiak ) iha Nasaun Timor Leste.

Lia ne’e hato’o iha nia deskursu wainhira partisipa iha Komprimisiu Dame ne’ebé halo Entre OAM no GAR iha Salaun Parokial Igreja Ave Maria Suai, Sabado (30/04) Semana ne’e.

“Nasaun la konsidera Ita bo’ot sira anak terlantar ka anak tiri, imi hotu-hotu hamrik hanesan tur hanesan, ba Povu ida ne’e ba Nasaun ida ne’e nia oan, futuru ba Nasaun ida nee” Katan Komandante PNTL Covalima, Superintendente Polisia Basilio de Jesus nia iha Deskusu.

Komandante PNTL Covalima ne’e hatuatan Ofisial Polisia Suku (OPS) Sira sei akompaña Sub Komisaun Regula Arte Marsial (SUB-KRAM) Covalima hodi Kontrolu no enkamiña tuir regulamentu mak eziste ona.

“Konaba stabilidade Nasional iha Suku, OPS sira mak sei akompaña Ita bo’ot sira nia atividade tantu treinamentu ou seluk tan no fali mos Prezidenti Sub-KRAM Covalima sira sempre kontrola Ita bo’ot sira, enkamiña ita bo’it sira tuir regulamentu Sira ne’ebe mak eziste se bainhira asaun ka hahalok balu la tuir regras ou viola regras tanba ne’e kada fulan sira halo reuniaun ba ita bo’ot sira nia asaun iha terenu” Nia Hakotu.

Entretantu Serimonia komprinisiu Dame ne’e partisipa masimu husi Organizasaun Arte Marsial (OAM) no Arte Ritual (GAR) sira mak hanesan, Kmanek Oan Rai Klaran(KORK), Persaudaraan Setia Hati Terate (PSHT) Ikatan Keluarga Silat Putra Timor Leste (IKS-PTL) Kungfu Wushu, Seruling Dewata, PadJadjaran, Karate, Taekwondo, Kolimau 2000, Seven-Seven) (77), Santo Antônio/Sico-Sico (55) no THS THM.

Reportazen : Jhana Cardoso

Editor          : Chamot Nahac