Komandante PNTL Covalima- Bandu Labele halibur Malu hodi Asiste (nonto) Copa Euro iha Fatin Publiku

Covalima ( RCCT ) 14-06-2021, Relasiona ho Governu Timor Leste Dekretat tan Estadu Emergensia ( EE ) ba dala 14 iha Timor Laran tomak no mos iha Municipio balu inkui iha Covalima Nafatin Impoen Serka Sanitaria ( SS ) relasiona ho numeiru kazu pozitivu Covid-19 nebe kontinua sa’e maka’as.

Tanba ne’e komandante PNTL Municipio Covalima Super-Intendente Polisia Antonio Maria de Sa hateten PNTL nafatin halo monitorizasaun ba situasaun ida ne’e atu ema labele halibur malu iha fatin publiku sira.

Iha Municpio Covalima sei iha siturasaun Serka Sanitaria, tanba ne’e husi parte seguransa PNTL nafatin viabliza nafatin monitorizasaun no observasaun ba ema sira nebe mak halibur malu PNTL nafatin halo sensiblizasaun ba komunidade sira atu nune’e sira bele evita halibur malu iha publiku” Komandante PNTL Municipio Covalima Informa ba Jornalista sira wainhira partisipa iha lansamentu Vasina AstraZaneka ba faze segundu iha Municipio Covalima nebe realiza iha Salaun Administrasaun Covalima,

Aproveita Oprtunidade ne’e Komandante PNTL Covalima mos apela ba komunidade sira hotu tenke kumpri regras Serka Sanitaria (SS) no labele halibur ema barak hodi asisti (nonto) jogu futebol (Copa Euro) nian iha fatin publiku liu liu iha Municipio Covalima.

Iha oportunidade ne’e liu husi media ha’u hakarak apela ba komunidade hotu- hotu para bele evita halibur malu molok seguransa halo intervensaun iha tereno, tanba ne’e ha’u husu ba komunidade sira labele halibur malu hodi asisti ka nonton jogo bola kaki Piala Euro iha tempu kalan, tanba bola ne’e iha oportunidade sei barak atu ita bo’ot sira asisti iha tempu seluk, agora ita hare lai situasaun pandemia Covid-19 ne’e no ita hotu tenke tuir regras estadu emergensia nian atu ita bele hapara lalais korenti Covid-19 iha Covalima .” Tenik Komandante PNTL Municipio Covalima Antonio Maria de Sa.

Jornalista : Saturnino Soares

Editor      : Chamot Nahac