Covalima (RCCT) 05-08-21, Relasiona ho Covid-19 moras foun Variante Delta nebe dadaun ne’e afeta Nasaun seluk iha Mundo, maka Segundu Komandante PNTL Municipio Covalima Albino Mouzinho husu ba Komunidade sira nebe hela iha Linha Fronteira atu la bele ultra passa iha iha Fronteira liu husi dalan ilegal.
Dehan Segundo Komandante Polisia Municipio Covalima bainhira partisipa iha Serimonia Lansamentu distribuisaun aihan basiku nebe Centru Comunidade Covalima (CCC) hala’o iha Suco Taroman, Aldeia Fatuloro Quarta Feira (04/08) foin lalais .
” Moras foun Variante Delta agora afeta hela Nasaun seluk, inklui Indonesia nebe ita vijinho hela, depois Covid-19 maka agora ema Positivo barak iha Timor, nebe ha’u husu ba komunidade nebe hela besik Fronteira la bele halo movimento ilegal, tanba ilegal ne’e maka sai risku ba ita fasil atu hada’et” Segundo Komandante ne’e dehan.
Segundu Komandante PNTL Covalima ne’e Kontinua informa ba Sidadaun Sira iha Fronteira, bainhira hetan ema oin foun ruma, tenki Informa ba PNTL Covalima atu nune’e bele kaptura hodi halo investigasaun.
” Aproveita iha tempo ne’e, ha’u husu ba Komunidade sira iha Fronteira hotu, liu-liu iha Postu Fatululik, bainhira imi hetan ema oin ruma depois husu nia ne’e mai husi nebe, para imi bele hatene didi’ak, se nia mai husi Nasaun seluk karik imi Informa ba ami para ami kaptura hodi halo investigasaun depois lori ba nia iha tribunal, ida ne’e maneira ida para ita prevene moras foun ne’e labele tama Tan” Segundu Komandante ne’e hakotu.
Jornalista : Tynho Gusmao
Editor : Chamot Nahac
