Covalima (RCCT) 13-01-22, Komandu Polisia Munisipiu Covalima Simu Lider Foun, Super-Intendente Basilio de Jesus Sai Komandante PNTL Covalima troka Komandante Sesante António Maria de Sa, Antes simu K’naar Nu’udar Lider Maximu Polisia Iha Munisipiu Covalima, Super-Intendente Basilio de Jesus hak’nar hanesan Komandante Polisia Unidade Maritima (UPM), hafoin Hetan fiar husi Institiusaun PNTL, Basilio toka Komandante sesante PNTL Covalima Super-Intendente António Maria de Sa ne’ebé kolokadu ona hodi ba hala’o kna’ar iha Munisipiu Baukau.
Iha Deskursu dahuluk hanesan Komandante PNTL Covalima, Super-Intendente Polisia, Basilio de Jesus hateten, Nia Prezensa iha Covalima atu servi no Salvaguarda Povu nia Vida, tanba ne’e nia husu ba Membru PNTL sira atu labele hare Povu hanesan inimigu ida.
“Ho ha’u Nia prezensa, ita hamutuk atu fo seguransa di’ak ba ita nia Povu, atu nune’e sira bele moris iha situasaun ne’ebé hakmatek, oinsa ita bele servi povu ho dignu, ida ne’e maka misaun Forsa ka militar nian, tanba ne’e ha’u dehan sai Militar hanesan Liman kroat Povu nian labele hare Povu hanesan ita nia inimigu” Bazilio dehan bainhira realiza formatura iha Komandu PNTL Covalima.
Entretantu Komandante PNTL Covalima aktual Super-Intendente Polisia Basilio de Jesus nafatin husu ba Membru PNTL sira iha Covalima atu hatudu profesionalismu hodi Servi Povu ho Dignu.
Jornalista : Tynho Gusmão
Editór : Chamot Nahac
