Covalima ( RCCT ) 15-06-21 Tuir Observasaun husi Komando PNTL Covalima nota katak iha Municpio Covalima durante ambito Estadu Emerjensia no Serka Sanitaria ( SS ) tanba Covid-19 komunidade sira iha Municipio Covalima maioria mak kumpri duni regras Organizasaun Saude Mundial ( OSM ) no Ministerio da Saude (MS).
Koalia ba Jornalista sira iha Segunda (14-06) horsehik Komandante PNTL Municipio Covalima Antonio Maria de Sa hateten iha periode EE ba dala sanulu resin ha’at ( XIV ), iha Municipio Covalima situasaun kontroladu tanba komunidade sira kumpri duni regras Estadu Emergensia ( EE ) no Protokulu husi MS no OMS.
“ Estadu Emergensia ( EE ) ba dala sanulu resin ha’at ( XIV ) ihaMunispio Covalima situasaun kontroladu tamba komunidade sira hotu kunpri nafatin regras Saude Mundial ( SM ) nian, liu – liu iha situasaun Serka Sanitaria ( SS ) ho Estadu Emergensia ( EE )nian, tamba moras ida ne’e moras komun, tamba ne’e ema hotu tenke iha konsiensia ne’ebe diak hodi kunpri desizaun estadu nia hodi it abele hakotu korente Covid – 19 iha Timor Leste liu – liu iha Munisipio Covalima,tamba ne’e autoridade munisipal no forsa tarefa nafatin halo sensiblizaun ba ita nia komunidade sira. ” Informa komandante PNTL Municipio Covalima Antonio Maria de Sa.
Komandante PNTL Covalima afirma agora dadaun atividades hanesan negosio la’o normal fila fali, maibe PNTL nafatin halo sensiblizasaun no fahe informasaun ba komunidade sira kona ba regras no Protokulu husi MS no OMS nebe mak fo sain ona.
“Aktividade negosiante nian la’o normal fila fali ho ida ne’e ita nafatin halo sensiblizasaun ba komunidade sira kona ba uja, maskra, fase liman nafatin, neste momentu faze segundu vasinasaun to’o ona iha Covalima hodi kompleta fali ba ema ne’ebe mak simu ona vasinasaun iha fulan kotuk no agora komunidade sira nebe mak idade tinan ne’en nulu ( 60 ) resin ba leten ne’e implementa hotu ba ema sira ne’e ita hotu bele ezerse ona direitu hodi livre ba moras Covid – 19 ne’e. ” Tenik Komandante Antonio
Entertanto iha intervista ne’e komandante PNTL Municpio Covalima Antonio Maria de Sa husu nafatin komunidade sira nia konsiensia hodi kumpri regras husi Saude Mundial nian hanesan fase liman bebeik, uja maskra, kuidadu distansiamentu Sosial, atu nune’e bele hakotu lalais korente Covid-19 iha Covalima .
Jornalista : Saturnino Soares
Editor : Chamot Nahac
