KO Preve Osan $ 4,717.00 Ba Kompetisaun Kuda Halai Taru iha Covalima

Covalima (RCCT) 19-05-22–Animasaun Halai taru kuda iha Covalima, neebe realiza iha Suku Suai Loro hodi Komemora Loron Restaurasaun Independensia ba Dala XX, Administrasaun Munisipiu Covalima Preve Osan hamotuk $ 4,717ba Komisaun Organizadora (KO) Liu Seksaun Desportu Tradisional hodi bele realiza evetu kuda halai taru iha ambitu Komemorasaun.

Iha Suku Suai Loro, Xefi Seksaun Desportu Tradisional Kuda halai taru Castru Amaral halore Montante Osan ne’ebé Governu Lokal Liu husi KO ba Eventu Komemorasaun 20 Maiu 2022 aloka hodi realiza eventu kuda halai taru ne’e.

Atividade ne’ebé mak ami hala’o konaba Kurida Kavalu ho montante Orsamentu dollar amerikanu $ 4,717, gastus hodi hala’o serbisu iha kampu ida ne’e hamutuk  $1.370, Premiu ba manan na’in Permeiru lugar hetan osan $350, Segundu Lugar hetan osan $250, tun mai to’o kraik no taza ba manan na’in sira la iha tanba orsamentu menus liu”  Castro Amaral esplika ba Jornlista sira iha Suai Loro, Kuarta Feira (8/05)

Castro Senti Kontenti tanba Populasaun barak mak mai asisti eventu kuda halai taru ne’e,

Senti kontententi tanba populasaun barak mak asisti, tanba hanoin tinan uluk nian ema hotu dehan katak Covalima kultura tradisional Kurida Carvalho mak maka’as ne’e mak iha ukun An ida ne’e ha’u hatutan fali ho komunidade iha Munisipiu Covalima” informa Xefi Kurida Carvalho Kastru Amaral.

Nia subliña ba eventu ida ne’e kuda hamutuk 29 mak halai hotu maibe ida ne’e hodi anima komunidade deit seidauk tama iha kompetisaun hodi manan Premiu.

Kurida Karvallu ba loron ida ohin hamutuk 29 mak halai hotu, maibe ida ne’e seidauk buka manan ne’e hanesan hodi anima komunidade deit no sei final iha loron 21-22 fulan Maiukatak kastru Amaral.

Enkuantu Castro Amaral, nafatin husu Governu atu nune’e iha 28 de Novembru 2022 bele nafatin hala’o atividade desportu tradisional kuda halai taru no nia prontu hamutuk ho juventude hotu hodi organiza eventu ida ne’e.

Jurnalista :Alito de Jesus

Editor       :Chamot Nahac