Covalima (RCCT) 13-10-21 Motorizada Nen Nulu Resin Rua ( 62 ) no Kareta lima ( 5 )iha Munisipio Covalima tama ona iha sistema lelaun, Motorizada no Kareta ne’e husi Ministerio Saude, Ministerio Agrikultur no Peskas no Ministerio Administrasaun Estatal.
Tuir Administrador Munisipio Covalima hateten Motorizada no Kareta ne’e akumula iha Administrasaun Munisipio Covalima ne’e tama ona Sistema lelaun tamba Mortor ho kareta hirak nee nia kilomtragen liu ona tuir estimasaun nebe mak iha.
“ Motorizada Nen Nulu Resin Rua ( 62 ) no Kareta lima ( 5 ) ne’e nia kilometrajen liu ona tuir estimasaun nebe iha, tanba ne’e tuir lei husi husi governu foti desizaun ba trasporte hirak ne’e tama iha sistema lelaun, ema nebe priense ona formulario hafoin priense hotu formulario lori ba nasional hodi selu tasa 10 % ba Estadu, iha periode ida ne’e transporte iha Servisu Munisipal Edukasaun Covalima la konsege hatama iha sistema lelaun tanba durasaun lelaun liu ona ” Dehan Administrador Munisipio Covalima Francisco de Andrade.
Andrade Fundamenta sistema Lelaun ba Motorizada no kareta ba tinan ida ne’e fo oportunidadeb a Publiku hodi bele asesu iha lelaun ida ne’e.
“ Sistema Lelaun ida ne’e ba Publiku hotu Povu se deit bele asesu iha sistema lelaun ne’e, ho hanoin ida katak depende ba osan, pur exemplu ema balu fo folin motor ho Dolar atu rua ( $ 200.00 ) no ema balu fo folin motor ho Dolar atu rua lima nulu ( $ 250 .00 ) tama iha kompete hanesan ne’e, ema nebe mak hatama osan ho valor nebe mak bo’ot nia mak sei manan iha sistema lelaun ne’e, nune’e ita mos rekoperadu fila – fali osan hirak ne’e hodi sosa fali Motoriza foun no kareta foun, hodi halo servisu fali iha Ministerio nia laran ” Tenik Administrador Munisipio Covalima Francisco de Andrade.
Entretantu Administrador Munisipio Covalima Francisco de Andrade hateten iha tinan 2021 ne’e, Administrasaun Estatal sosa ona Motorizada sanulu resin lima ( 15 ) hodi fahe ba Posto Administrativu sira iha Munisipio Covalima no motor hirak oras ne’e dadaun sei trata hela dokumentus balu husi kompanha.
Jornalista : Saturnino Soares
Editor. : Chamot Nahac
