Covalima (RCCT) 28-12-21, Klibur Estudante no Juventude Suco Lactos (KEJUSLA) realiza atividades Sosial halo Lutu ka Pagar hale’u iha Monumentu Massakre Rai Ulu (MMRU) no Kapela iha Suco Lactos hodi nune’e bele Prevene husi estragu husi Animal sira.
Liu husi Intervista Via Telefone Organizador KEJUSLA Aureo Moniz Cardoso informa ba Jornalista Radio Comunidade Cova Taroman antes ne’e husi Paroquia Imaculada Curação de Maria Fohorem fo fiar KEJUSLA hodi toma responsavel ba atividade Santa Natal.
“Klibur Estudante no Juventude Suco Lactos ( KEJUSLA ) hetan fiar husi Paroquia Imaculada Curação de Maria Fohorem atu sai responsavel ba koro iha Misa ba Santa Natal ne’ebé ita realiza loron Kosok oan Nai Jesus Cristo Moris nian iha dia 24 kalan ne’ebé mak KEJUSLA realiza ona ” Informa Organizador KeJusla Aureo Moniz Cardoso.
Enkuantu Organizador KEJUSLA ne’e hatutan depois de remata Santa Natal ne’e hotu husi KEJUSLA halo lina kordenasaun ho Lideransa Suco Lactos hodi halo Atividade Sosial iha Suco laran.
“ Depois de Santa Natal ne’e hotu KEJUSLA mos halo lina kordenasaun ho Autoridade lokal sira hotu iha Suco Lactos liu liu ho Nai Xefe Suco ho nia estrutura tomak atu hala’o atividade sosial iha Suco laran, Atividades sosial iha rua, ida mak ita halo lutu ka pagar hale’u monumentu Historiku tinan 1999 ne’ebé ita nia malu nain sanulu resin ha’at ( 14 ) sakrifika sira nia an fakar sira nia ran iha rai ida naran Rai Ulu, no ohin loron 28-12-21 ita nia alin Estudante no Juventude sira hamutuk ho autoridade lokal sira balu halo lutu ka Pagar hala’u Kapela iha Suco Lactos ” Tenik Organizador KEJUSLA Aureo Moniz Cardoso.
Entretanto tuir Aureo Moniz Cardoso hateten kada tinan husi Klibur Estudante no Juventude Suco Lactos ( KEJUSLA ) sempre realiza atividade ba Santa Natal no Santa Paskua no mos implementa atividade sosial inklui programa ruma ne’ebé mak difinini husi KEJUSLA hodi realiza iha Suco Lactos, ho ida ne’e Aureo Moniz Cardoso nudar Organizador KEJUSLA husu ba Estudante no Juventude Suco Lactos atu partisipa hotu iha atividade sosial ne’e hodi nune’e Estudante no Juventude iha unidade ne’ebé mak di’ak hodi hari paz no establidade iha Suco Laran.
Jornalista : Saturnino Soares
Editor : Chamot Nahac
