Covalima (RCCT) 09-06-21 Prezidente Zuri Jasinto dos Santos hateten Iha loron 03 Fulan Marso liu ba husi Ministerio Estatal iha Munisipio Covalima anunsiu vaga servisu ba Pozisaun 9 atu apoiu servisu administrasaun nian iha Municipio Covalima durante fulan 6.
Tuir prezidente de zuri Jasinto do Santos nebe Atual diretur recursu humanu iha Administrasuan Municipio Covalima hateni anunsiu vaga nebe ita fo sai iha fulan marsu ne’e ema nain 351 mak hatama dokumentu iha komisaun organizadora, maibe ema nebe mak passa iha selesaun dokumentus hamutuk kandidatus 200.
“ Iha loron 03 fulan marso ami anunsiu vaga servisu durante semana ida liu, momentu neba ami simu dokumentus atus hamotuk 351, depois ami simu dokumentus ami halo selesaun dokumentus iha loron 25-26 fulan Maio foin lalais ne’e no rezultadu husi selesaun dokumentus ne’e ema 151 mak la liu ou la passa no dokumentus nebe mak liu ou passa hamutuk 200 ohin no aban Dia (19-06) ita hahu ba provas eskrita ba kandidatus 200 nebe mak liu husi ou passa iha selesaun dokumentus ne’e ” Informa prezidente de Zuri Jasinto dos Santos
Enkuantu Prezidente zuri ne’e afirma vaga 9 nebe mak ita publika ne’e presiza ema nain 15 atu apoiu servisu iha sekretariadu Administrasaun Municipio nian.
“Iha numeru refrensia 01-09 ne’e, ita presiza ema na’in 15 atu servisu iha Sekretariadu Administrasaun Municipal nian, tanba vaga ida ne’e Municipio ninian no ami sei la koloka to’o iha Posto Administrativu sira, maibe ita hein iha loron ikus mai bainhira ita nia orsamentu aprova ona ba loke vaga ba ema iha Postu Administrativu sira ” Tenik Prezidente Zuri Jasinto dos Santos
Entertantu tuir prezidente zuri Atual Diretur Recursu Humanu iha Administrasaun Covalima ne’e hateten materia nebe mak atu fo ba kandidatu sira iha teste eskrita ne’e mak hanesan materia ekolha multipla no ida seluk materia dezemvolvimentu ninian
Jonalista : Saturnino Soares
Editor : Chamot Nahac
