Covalima (RCCT) 14-01-21 Xefe Comisaun ba Simu Estudante foun iha Eskola Sekundaria Téknika Vokasional Akar-Laran Professora Maria Gertudes Ut hateten, Registrasaun ba Kandidatus Estudante foun ba tinan ne’e menus liu komparaho tina uluk, tamba ba tinan ne’e regista deit Estudante hamutuk 46.
“ Tinan ne’e ami nia Estudante menus liu, tamba hamutuk 46 pessoas deit, tina uluk ami nia estudante ne’e 100 resin ” Lia hirak ne’e hato’o ba Jornalista RCCT iha Eskola Sekundaria Téknika Vokasional Akar-Laran.
Tuir Sefe Komisaun ne’e hatutan, Estudante foun menus atu halo estudo iha Eskola Sekundaria Téknika Vokasional Akar-Laran tamba kondisaun Eskola dok husi Capital Munisipio Covalima, no kondisaun Estrada diresaun husi Capital Munisipio ba Eskola refere ladun diak, tamba ne’e difikulta Estudante sira atu asessu iha Eskola refere.
“ Ami nia situasaun iha ne’e ami hasoru maka primeiro, ami dok husi Capital Covalima, depois ami nia Eskola ne’emos iha ai laran utoan dalaruma la atria estudante sira atu mai iha ne’e, depois dalan tesik mai ne’e hanesan at hotu, liu husi buat hirak ne’e maka halo estudante sira mos la iha vontade atu mai iha ne’e” Tenik Profesora Maria
Entertanto tuir Comisaun ne’e, Registrasaun ba kandidatu Estudante foun iha Eskola Sekundaria Teknika Vokasional Akar-Laran ne’e hamutuk 46, tamba ne’e kompara ho tinan uluk barak liu la hanesan ho tinan ne’e.
Jornalista : Satur Soares
Editor : Chamot Nahac
