KAK Sensibiliza Informasaun ba Estudante ESGP Suai atu hatene no kombate korupsaun

Covalima(RCCT)-10-05-22—Komisaun Anti Korupsaun (KAK) liu husi diresaun prevensaun hala’o sensibilizasau konaba k’nar no papel KAK nian no sensibiliza ba Escola Sekundaria Geral Publika (ESGP) Suai, atu bele hado’ok an, hatene prevene no kombate korupsaun,

Ita ko’alia mos konaba k’nar professor sira nian atu bele ejerse didi’ak kna’r hanesan edukador no tenki sai exemplar lidera ho ita ida-idak nian oinsa mak ita bele kontribui ba prevene no kombate korupsaun iha ita nia Nasaun Doben Timor-Leste spesialmente iha Munisipiu Covalima” Leonilda Soares Lobato informa ba RCCT, Tersa Feira (10/05) iha resinto ESGP Suai.

Leonilda hatutan, Atividade sensibilizasaun ne’e fahe parte rua, parte ida ko’lia ba Estuda sira konaba onestidade no responsavelidade no simples atu hatene respeitu ema, no sensibiliza servisu prevensaun ba korupsaun, tan funsionariu la kumpri regra sei kona prosesu tuir kondigu penal Timor Nian.

Ami halo aktividades iha ESGP suai, fahe ba parte rua ida ba estudante no ida ba professor sira. ba estudante sira ita ko’alia liu konaba responsabilidade onestidade, badinas no simples hatene respeitu ne’e maka valores atu rai iha joven sira nia fuan, wainhira sira kuda ona mentalidade iha sira nia fuan ba futuru sira sai líder ida nebe exemplar no kombate korupsaun. ba mestri sira ami fo formasaun ketak konaba korupsaun ninian oinsa mak halo servisu prevensaun no investigasaun ninian, esplika konaba tipo de korupsaun tanba sira hanesan funsionariu publiku kuandu sira la kumpri ka viola regras ne’e no iha korupsaun maka sira sei hetan prosesu tuir kodigu penal, sira ezerse sira nia dever kumpri regra escola nian ida ne mos,” tenik nia.

Sensibilizasau Komisaun Anti Korupsaun iha Covalima ne’e hahu realiza Segunda Feira (09/05) horsehik iha Eskola Bazika Central (EBC) Sandalo, Tersa Feira ohin iha ESGP Suai, no sei hala’o mos seminariu ba lideransa komunitaria sira hanesan, Xefi Suku husi Suku 8 no Funsionariu sira iha postu Zumalai Munisipiu Covalima.

Jornalista: Jefry RastaQ

Editor       : Chamot Nahac