Covalima ( RCCT ) 18 – 01 – 2021 Director Sefope Munisipio Covalima Agusto Asis Gomes iha nia servisu fatin hateten tuir dokumentus kandidatura sira iha Postu Administrativo hitu ( 7 ) hatama iha Seffope hamutuk rihun ida ( 1000 ) resin, Diretor ne’e hatutan liu husi teste fiziku kandidatura hirak ne’e liu deit ema nain atus hitu sanulu resin rua ( 712 ) maibe to’o priense profile kandidatus nain atu ne’en ne’en nulu resin lima deit tamba kandidatus sira balu la priense sira nia profile.
“ Iha oportunidade ne’e hakarak hato’o, tuir dokumentus kandidatura sira nian iha posto hitu ( 7 ) hamutuk rihun ida ( 1000 ) resin maibe liu husi selesaun dokumentus, depois tuir teste fiziku, maibe liu husi teste fiziku ne’e liu ou pasa ema nain atus hitu sanulu resin rua ( 712 ) maibe to’o iha priense profile ema nain atus ne’en ( 600 ) resin deit, tamba kandidatus sira balu la priense sira nia profile ” informa Diretor Seffope Munispio Covalima Agusto Asis Gomes.
Ekuantu Diretor ne’e afirma kandidatura hirak ne’ebe mak priense ona profile iha tinan kotuk ne’e , kandidatura nain sanulu resin rua ( 12 ) mak ba ona servisu iha Australia hamutuk ho kandidatura sira husi munispio seluk.
“ Tuir informasaun husi Diresaun oversis Dili kandidatu nain sanulu resin rua ( 12 ) mak ba ona Australia feto lima ( 5 ) no mane nain hitu ( 7 ) kadidatura nain sanulu resin rua ( 12 ) deitmak ba Australia tamba Nasaun koperasaun Australia presiza ema nain atus ida natun iha Sefope Timor leste sei hili kandidatus sira iha Munisipio sanulu resin tolu ( 13 ) inklui Covalima tamba ne’e mak ita nia Covalima ema nain sanulu resin rua ( 12 ) mak ba Australia ne’e.” Tenik Diretor Seffope Munispio Covalima Agusto Asis Gomes.
Entertanto tuir Diretor Sefope Munisipio Covalima ne’e hateten kandidarura sira ne’ebe mak priense ona sira nia profile ne’e hein deit Prosesu tuir mai tamba Nasaun Timor Leste ho Australia nia koperasaun sei ba oin nafatin, tamba ne’e Diretur husu ba kandidatura sira hotu tenke kuidadu ida idak saude, tamba sei iha tan teste saude wain hira atu ba servisu iha Australia.
Jornalista : Saturnino Soares
Editor : Chamot Nahac
