Juventude Eleitu Suco 30 iha Munisipio Covalima Hetan Formasaun Husi SEJD

Covalima (RCCT) 14-12-21, Sekretariadu Estadu Juventude no Desportu (SEJD) hamutuk ho Centru Juventude Covalima (CJC) fo formasaun ba joven eleitu Suco na’in 30 iha Municipio Covalima Konaba planeamentu proposta monitorizasaun ba relatoriu.

Diretór Ezekutivu Centru Juventude Covalima Calistro Leite Gusmão iha diskursu hateten husu ba joven eleitu husi suku 30 ne’ebe mak tuir formasaun ne’e atu aproveita aprende iha formasaun durante loron lima nia laran.

Objektivu formasaun sira hanesan ne’e, SEJD liu husi CJC fasilita kolega joven sira husi Suco 30, tanba iha atividade barak iha Suco sira, hanesan foin dadauk liu ba kona programa estimulu emprededorismu Suco, maibe difikuldade barak ne’ebe mak ami infrenta mak maioria joven barak mak la iha konesimentu kona hakerek proposta,tanba ne’e mak ami servisu hamutuk, hodi fo formasaun uluk ba Ita bot sira ne’ebe mak joven eleitu husi suku sira,atu nune’e ba oin joven eleitu suku sira mak bele hanorin fali juven sira seluk iha Suco,” Hateten Diretór Ezekutivu Centru Juventude Covalima Calistro Leite Gusmão.

Iha biban ne Representante SEJD Moniz Gonsalves husu ba joven eleitu Suco sira atu aprende hamutuk husi fasilitador SEJD ne’ebe fo formasaun ba Joven eleitu Suco sira ne’ebe mak tuir formasaun durante loron lima nia laran.

Formasaun ne’e durante loron lima, ne’ebe husu ba kolega joven eleitu iha Covalima atu aprende hamutuk husi fasilitador sira husi SEJD kona ba oinsa halo analiza no identifika problema hirak ne’ebe joven sira mak hasoru,oinsa halo planu preprasaun orsamentu oinsa halo monitorizasaun,no avalisaun no oinsa atu hakerek relatoriu,” Relata Moniz Gonsalves reprezentante SEJD.

Iha sorin seluk Administrador Municipio Covalima Fransisco de Andrade agradese ba joven eleitu Suso sira ne’ebe mak tuir formasaun durante loron lima nia laran ho seriu no aproveita hodi aprende husi fasilitador sira, nune’e bele implementa iha idak idak nia Suco.

Tanba liu husi formasaun ida ne’e atu koloka imi nia an ba imi nia atividade sira iha suku sira,bele hodi forma grupu hodi halo proposta no proveita tuir formasaun ida ne’e ho seriedade no kontinua aprende buat ruma, hodi implementa iha imi nia suku,ne’ebe hau husu ita bo’ot sira moris iha era ukun an joven labele hatoman an sai tabele no maupagador,ne’ebe liu husi formasaun ida ne’e hau espera katak ita bo’ot sira bele hatutan informasaun ba iha Ita bot Sira Nia kolega iha suco laran” Dehan Administrador Covalima Fransisco de Andrade.

Observasaun iha terenu nota formasaun ne’e hetan partisipasaun husi Juventude eleitu Suco na’in 30 iha Postu Administrativo Hitu Municipio Covalima.

Jurnalista : Lito de Jesus

Editor      : Chamut Nahac