Covalima ( RCCT ) 07-10-21, Ministerio Agricultur no Peskas (MAP) liu husi diresaun Floresta Kafe no Plantas Industriais halo servisu liu husi tipu lisensa negosiu no lisensa sosiais hatama Orsamentu rihun tol ($ 3.000 ) ba Kovre Estadu.
Tuir Xefe delegasaun Territorial Floresta Kafe no Plantas Industriais Munispio Covalima Francisco Sarmento hateten husi Fulan Junho to’o Setembro liu husi sira nia servisu hatama Orsamentu rihun tolu ( $ 3.000 ) ba Kofre Estadu.
“ Durante fulan hat ( 4 ) nia laran (Junho to’o Setembro) negosiante sira tula Ai-hodi ba fa’an hamutuk Ai-Kubiku Atus Ida Rua Nulu resin Hat (124) ho ninnia valor Orsamentu rihun tolu ( $ 3.000 ) hodi hatama ba Kofre Estadu. iha situasaun Pandemia Covid-19 ne’e negosiante sira difisil halo transporta ai ba mai, tanba ne’e kompara tinan ida ne’e ho tinan uluk la hanesan, Tinan uluk husi servisu floresta Munisipio Covalima hatama Osan ba Kofre Estadu menus liu mak rihun lima ( $ 5.000 ) kada tinan ” Dehan Xefe delegasaun territorial Floresta Kafe no Plantas Industriais Munispio Covalima Francisco Sarmento wainhira partispa ba programa talksow iha Studio RCCT
Xefe Delegasaun ne’e hateten Floresta Kafe no Plantas Industriais Covalima fo karta ba Negosiate Ai sira ho tipu rua mak hanesan tipu Negosiu no tipo Sosiais hodi atende ba komunidade sira nia presiza.
“Durante ne’e husi Floresta Kafe no Plantas Industriais iha Munispio Covalima halo surat ba tipu rua mak hanesan Negosiu no Sosiais hodi atende ba komunidade sira nia presiza,tipu Sosiais ne’e hodi atende ba komunidade sira ne’ebe koa ai ka tesi ai hodi halo sira nia uma pribadu no Uma adat sira, no tipu Negosiu ne’e ba ne’ebe mak sai hanesan negosiante sira ne’ebe mak babain sosa ai hodi ba fa’an iha Dili no ai kubiku ida sira selu ho montante dolar rua nulu resin lima ( $ 25 00 ) Americanu hodi selu iha Banku Ultra Marinu ( BNU )” Tenik Xefe delegasaun territorial Floresta Kafe no Plantas Industriais Munispio Covalima Francisco Sarmento.
Entretantu Iha dadalia ne’e Xefe delegasaun territorial Floresta Kafe no Plantas Industriais Munisipio Covalima Francisco Sarmento husu ba komunidade sira karik presiza atu tesi ai ka ko’a ka atu negosiu ruma bele hasai karta dokumentus lisensa iha diresaun Floresta Kafe no Plantas Industriais iha Munispio Covalima .
Jornalista : Saturnino Soares
Editor : Chamot Nahac
