Julio Triste Administrador No Komandante PNTL La Partisipa Iha Konfrensia IV CCI Covalima

Covalima (RCCT)26-01-23–Prezidente Camara Comersiu Industria (CCI) Munisipiu Covalima, Julio do Carmo triste tanba iha konfrensia da IV CCI Covalima ba periode 2022-2026, nian la hetan partisipa husi Administrador Munisipiu Covalima no Komandante Polisia Nasional Timor Leste Munisipiu Covalima maibe konvite to’o hotu.

Maibe Julio fiar, maske Administrador ho komandante la partisipa iha konfrensia ne’e, maibe sei iha nia saseluk, atu esplika sasan sira ne’e ho di’ak, atu nune’e CCI Covalima bele serbisu hamutuk ho autoridade lokal tomak iha rai Covalima ida ne’e.

“Molok atan ha’u atu ko’alia lia fuan ida ne’e hau husi diskulpa, tanba ha’u nia hakarak ema ne’ebé atu partisipa iha konfrensia ida ne’e, ita hotu importante, mas importante liu maka Adiministrador Munisipiu Covalima (AMC) ne’e harus hadir, iha konvite ne’ebé hato’o ba ne’e ha’u rasik hakerek mos iha okos liu hatete hanesan ne’e, “Sua Exe AMC ita bo’ot nia prezensa mais importante” maibe realidade Administrador la partisipa, mos hanesan komandante PNTL Munisipiu, iha sekensia ami nia programa ne’e husu atu Komandante Munisipiu mos tenki ko’alia, maibe la partisipa hotu” deklara Prezidente CCI Covalima Julio do Carmo iha nia intervensaun hafoin hala’o konferensia da IV CCI Covalima iha salaun enkontru Administrasaun Munisipiu Covalima, Kinta (26/01).

Hatan ba preokupasaun husi Prezidente CCI Covalima nia ne’e mak saseluk Administrador Munisipiu Covalima, mak partisipa iha konfrensia ne’e, Afonso Noguera Nahak, hateten Administrador Munisipiu Covalima ohin labele marka prezensa tanba sei hala’o viazem ba iha Munisipiu Manatutu atu atenden servisu importante balu iha ne’eba.

“Iha konfrensia ida ne’e ita nia Administrador la partisipa tanba Administrador sei halo hela viazem ba iha Manatutu, tanba ne’e Administrador entrega konvite ne’e mai atan ha’u hodi partisipa” nia informa.

Nune’e reprezentante komandante PNTL Munisipiu Covalima, Jaoguim da Costa haktuir komandante sei labele hola parte iha eventu ida ne’e tanba komandante hala’o hela viazem ba Dili hodi tuir enkontru ida iha nasional ne’eba.

“Ita nia komandante Munisipiu ohin la partisipa tanba halo viazem ba Dili aban atu tuir enkontru ida iha nivel nasional ne’eba, ne’e mak ohin komandante Munisipiu delega atan nudar komandante eskuadra Suai hodi mai partisipa iha knfrensia CCI Covalima nian ne’e” informa Joaquim.

Maske nune’e Prezidente CCI Covalima haktuir iha sekensia programa konfrensia ida ne’e CCI Covalima husu komandante atu ko’alia tanba konsidera lokaliza iha rai kladik nune’e Importante ba CCI Covalima atu serbisu hamutuk ho PNTL hodi hare ba iha liña fronteira liu liu ba sasan sira ne’ebé tama no sai iha fronteira.

Jornalista : JS

Editor       : Chamot Nahac