Dili (RCCT) 24-01-22, Faviana Maria Olga nu’udar Julio Amaral nia kaben ejize ba justisa liu-husi dalan Tribunál Distritál Suai (TDS) atu prosesu lalais kazu asasinadu Oknum Unidade Polisia Maritíma (UPM) ne’ebé baku mate nia kaben tenki tama komarka tanba nia la’en mate husik hela Nia (Fabiana) no oan derepente de’it.
“Ha’u hakarak husu ba bo’ot sira hanesan ne’e de’it, ha’u hakarak sira hasai farda tama ba komarka tanba ha’u lakohi simu sira nia osan atu responsabilidade ba ha’u nia oan sira, husik sira ho nia oan sira terus hanesan los ha’u hamutuk ho ha’u nia oan sira terus,” Faviana Maria Olga hateten ba RCCT iha Hospitál Nasionál Guido Valadares (HNVG), Dili, Segunda 24 Janeiru 2022.
Dadehan Feto Faluk ne’e, nia parte lakohi simu osan husi oknum Unidade Polisia Maritíma na’in 6 ne’ebé maka hakotu nia katuas oan nia iis. Tanba bainhira nia simu sira nia osan depois sira bele hamnasa, nia dehan hanesan deit sira hatais farda nafatin no servisu nafatin.
“Ami servisu fali ami kontente nafatin ami hatais farda nafatin, ami kontente nafatin ho ami nia oan no fen. sira bele fó osan ba ha’u maibé fulan maka sira bele fó hau tidak mungkin sira kada loron atu fo hela hau fó hahan mai hau bebeik,” Katak Feto Faluk Fabiana Inan husi oan kiak na’in 3
Iha fatin hanesan Silveiro Cardoso da Costa hateten parte familia la simu hahalok bandalismu husi oknum UPM sira ne’ebé maka komete ba nia familia ne’e la hatudu hahlok edukativu ba komunidade Munisipiu Covalima.
“Ami husi parte familia la satisfaz ba hahalok bandalismu husi oknum Polisia Unidade Maritima tanba hahalok komete ne’e la fo edukativu ba komunidade sira husi munisipiu kovalima tomak,” Katak Silvero
Nia hatutan, tuir provas ne’ebé maka parte Familia rekolla hatudu momos hela iha fatin akontesimentu ne’e nia feton rasik mos hetan agresaun fizika husi hahalok bandalismu Oknum Polisia Unidade Patrullamentu Maritíma sira ne’e.
“Bazeia ba evidensia barak ne’e, husi familia fortifika tebes motivu duni sira iha planeadu duni atu halakon ami nia ema duni, depois autopsia hotu tiha husi parte familia sei hato’o keixa ba iha Ministeriu Públika. Prosesu lalais kazu asasinadu ne’e tenki mós iha tempu badak halo notifikasaun lalais oknum UMP sira hodi halo julgamentu,” Silvero Hakotu
Reportazen Chamot Nahac
