Covalima (RCCT) 23-01-21, Domingo Dadersan Madrugada Mais Menus Oras Tuku 3 liu, mosu des-intentimentu entre Juven no Oknum Polisia Unidade Patrullamentu Maritima (UPM) iha Festa Inaugurasaun uma iha Suco Suai Loro hodi rezulta Joven ida ho naran Julio Amaral ho idade 41 tenki hakotu nia Jornada moris iha mundu, Julio Termina nia Jornada liu husi dalan asasinado no husik hela nia fen no oan na’in 3, Feto 2 Mane 1.

Marcos Amaral Matebean Julio Amaral nia Alin, Markus hanesan mos vitima husi hahalok brutalizmu Oknum Polisia Martima ne’ebe destaka iha Covalima ne’e konta tuir kronolojia husi akontesementu ne’e dehan;

“Iha kalan problema ne’e, hanesan ne’e, ami la’o hasoru maun ida hatais sivil, ami la hatene nia forsa, pas ami la’o soke malu, ami husu sigaru iha nia, ami dehan “Maun nia sigaru iha fo ida ami lai”, pois nia hatan dehan “ ne’ebe nusa, ha’u la fo nusa?” nia dehan “ ha’u forsa” pois ami dehan “ lae maun ami husu sigaru deit” depois nia dehan “ ha’u lakohi fo sigaru ba imi karik imi atu halo saida ba ha’u” depois ami husu deskulpa ba Nia “ ho taka liman ami husu deskulpa ba nia” depois maun ne ba tur iha nia fatin,” Matebean Julio nia Alin Marcos Haktuir Kronolozia ba Jornalista sira iha Hospital Referal Suai, Domingu (23/01) Meiudia

Marcos Hatuna hafoin mane ida hatais Sivil ne’e ba tur iha kader, fatin ne’ebé Oknum Polisia Marinir ne’e iha tenda laran, Marcos ho nia maun Matebean Julio sei tuir ba husu nafatin ho intensaun atu halos naklasak ne’ebé foin mosu liu dadaun, maibe Marcos nia Maun Matebean Julio Komesa Simu Pankada, tebe no tuku husi Oknum Polisia Maritima to’o Julio tenki lakon nia Vida.

“Depois ami sei tuir ba husu dehan “Maun forsa duni ka lae? Selae ami kesar ba maun Maritima sira ne’e, depois Maun ne’e hamrik no Maritima sira mos hamrik baku ami na’in rua ha’u nia maun, ne’ebe ha’u nia maun monu ba sorin ha’u monu ba sorin, ha’u lahetan ha’u nia maun, sira na’in 2 baku iha sorin, na’in 3 baku maun iha sorin, baku ha’u nia maun to mate, baku ha’u nia maun to’o is kotu iha festa, iha tenda laran deit, ha’u atu halai ba hare ha’u nia maun sira kaer ha’u soe tama kareta laran, sira baku ha’u soe tama kareta laran baku ha’u, tebe, tuku to ha’u, sira Xave ha’u iha kareta laran ha’u atu sai ladi’ak tan kareta odamatan xave hotu” Tenik Marcos

Marcos Kontinua, Depois hetan baku husi Okmum Polisia Maritima to’o nia maun Julio Hakotu is iha Festa/Tenda laran (iha Suai Loro), Oknumu Polisia unidade Marinir Na’in 5 Tula nia iha kareta lori ba Komando Polisia Munisipiu Covalima, maibe Tuir dalan Marcos nafatin hetan Baku, tebe no tuku husi Oknum Polisia Maritima Na’in 5 to ameasa atu Tiru Marcos ho Pistola no ameasa atu rima ho fatuk iha dalan klaran.

“Sira nain 5 baku ha’u nia maun to’o mate iha festa laran, hotu sira tula ha’u, tuir dalan ne’e sira baku ha’u to’o atu mate deit, baku ha’u to’o senti labele ona ha’u dehan “maun deskulpa ha’u labele ona,” sae mai to’o tugu liliu iha igreja nian ne’e sira hatun hatun ha’u iha ne’e, sira tebe ha’u tun, Polisia Luis Marinir ne’e karega Pistola atu tiru ha’u depois nia maluk ida dudu ses nian dehan “to’o ona komandante,” ne mak ida fali hatais sivil foti fatuk atu riba tan ha’u, ne’emak maun ida fali hatais farda ne’e dehan “ dehan to’o ona” ne’e mak sira foti fali ha’u tula iha kareta, pois sira sei baku ha’u nafatin tama to’o kator polisi to’o sel laran mos sei baku ha’u nafatin” Markus Amaral Konta Kronolojia Akontesementu ne’e

Iha Akontesementu ne’e Marcelina Noronha hanesan Feton husi Marcos Amaral no Matebean Julio Amaral tenta atu salva no husi Deskulpa ba Oknum Polisia Unidade Maritima sira ne’ebé baku nia alin mane na’in rua maibe obrigadu Marcelina mos tenki hetan tuku husi Oknum Polisia Martima na’in ida to’o Marcelina monu tun ba rai.

“Ami dahur, ami la hetan problema ne’e, ema barak hakilar ne’e mak ami foin husik malu, Maritima na’in 4 no Sivil na’in 2 mak baku alin na’in 2 ne’e, baku to’o alin mane ne’e monu ba rai, ha’u ba husu deskulpa, ida hatais farda ne’e tuku ha’u monu tun rai, Pois ha’u ba fali iha alin ida mate ne’e, ha’u husu tan adeskulpa ba sira maibe sira baku nafatin Alin ne’e” Marcelina Haktuir ba Jornalista sira iha Mortuariu Hospital referal Suai

Relasiona ho Akontesementu ne’e Xefe do Suco Camenasa senti lakon Joven di’ak ida iha Suco husi Camenasa tan ne’e, Samuel Barros husi ba Instituisaun PNTL Foti Asaun ba membru Polisia Maritima ne’ebé iha hahalok brutal, tanba konsidera PNTL mak sai Asegurador ba Komunidade sira.

“Ha’u Hanesan aman ba komunidade sira ne’e, ha’u senti triste, husu ba Instituisaun PNTL atu tau matan ba Membru sira nebe iha metal ladiak, iha hahalok ladiak ne’e, tanba PNTL mak atu asegura Komunidade sira nia moris, Ha’u la satisfas ho Oknum ka membru PNTL nian ida nebe ladi’ak tanba hakotu ha’u nia Joven nia vida, ”

Xefe Samuel Optimista sei Apoio no akompaña Familia Matebean lori prosesu ne’e to’o tribunal no nia mos husu atu prosesa Oknum Polisia Unidade Maritima ne’e tuir Lei ne’ebé Vigora iha Timor Leste.

“Ema hotu moris iha Lei Nia okos, Oknum se mak halo Violensia kontra komunidade to’o lakon vida, tenki prosesa tuir lei ne’ebé mak iha, Ha’u mos prontu Apoio no akompaña Familia Vitima atu lori Prosesu ne’e to’o iha tribunal” Tenik Xefe Suco Camensa Samuel Barros.

Engkuantu To’o Notisia ne’e Hatun Komando Polisia Munisipiu Covalima Seidauk fo Informasaun relasiona ho Kazu ne’e.

Jornalista : Jhana Cardoso

Editor       : Chamot Nahac