Covalima (RCCT) 11-11-21, Iha akontesementu Masakre Santa Cruz 12 de Novembru 1991 Juventude barak mak fakar sira nia ran no lakon vida hodi dedika Esforsu libertasaun Timor Leste husi Kolonializmu Indonesio.
Julio Monis (kodigu BOBO) dehan depois Asume knaar iha loron 26 de janeiru 2021 hanesan Prezidente komite 12 de Novembru Munisipio Covalima, alista ona mate restu iha 12 de Novembru 1991 iha santa kruz Dili hamotuk ema nain 67.
“Iha loron 26 de Janeru 2021 ha’u simu kargu hanesan prezidente komite 12 de Novembru Municipio Covalima no ha’u kordena deit tanba ha’u komesa loke ona liras hodi hetan ona ita nia materestu hamutuk ema Neen Nuluh resin hitu (67) ne’ebé mak balun hela iha Dili no balun mak hela iha Covalima, ne’e mak ha’u senti Covalima mos bele ona atu hari 12 de Novembru iha Munisipio Covalima” Bobo Esplika
Bobo Kontinua konta ba Jornalista iha Akontesementu 12 de Novembru iha tempo pasadu tinan 1991 Juventude Municipio Covalima mos hola parte iha momentu neba hodi Dedika an ba Libertasaun da Patria.
“Ha’u nudar autor ba dezenvolviementu 12 de Novembru, iha tempo pasadu tinan 1991 juventude Municipio Covalima mos partisipa iha momentu neba no iha momentu ne’e ita nia estudante sira hosi Eskola Sekundaria nebe mak Eskola iha Dili no iha ita nia Estudante ida ho naran Simão Barreto nia mak hosi Universidade” Bobo haktenik
Entretantu Prezidente Komite 12 de Novembru Municipio Covalima Julio Monis “Bobo” husu ba Juventude sira iha Municipio Covalima atu hamotuk hodi hari sede12 de novembru iha Municipio Covalima.
Jurnalista : Lito de Jesus
Editor : Chamot Nahac
