Covalima(RCCT) 04-09-21, Relasiona ho Despaxio Ministerio Edukasaun Joventude no Desportu (MEJD) hodi suspende prossesu aprendizajem ba Eskola hotu iha Municipio Covalima maka Estudante Julião Correia konsidera ida ne’e hamate sira nia vontade badinas tanba material la sufisiente ba sira atu Estuda iha uma.
Estuante Julião Correia dehan Se Governu liu husi MEJD Suspende bebeik aktividade Eskolar mak labele koalia kona ba Futuru kuandu Governu rasik la prepara Jerasaun Foun ba Futuru
“ Situasaun ida ne’e hamate estudante sira nia vontade, hamate espritu badinas atu estuda iha uma tanba, material nebe ami simu, ida ne’e la sufisiente tebes, Ita Ko’alia kona ba Futuru di’ak maibe Governu rasik la prepara jerasaun foun ba Futuru, oinsa mak ami nia futuru bele di’ak, kuandu Ministerio Edukasaun Suspende bebeik Eskola hanesan ne’e.”. Hateten Estudante Julião Correia ba RCCT.
Estudante Julião Correia nebe dadaun ne’e tur kadeira Desimu Segundu Ano (12o ano ne’e afirma ho Implementasaun SS hodi Suspende Aktividade Eskolar ne’e fo Impaktu Negativu ba sira iha prossesu Ezame Nasional no halo difisil tebes ba sira atu kompente hodi tama iha Universidade Nasional Timor Lorosae (UNTL).
“Povu nia oan, ki’ak nia oan, Kbi’it la’ek nia oan hakarak atu investe an hotu iha UNTL tanba semester ida ($30.00) deit maibe, eskola ne’e rasik presija ema nebe hetan valor nebe boot iha ezame nasional, maibe agora problema nebe ami hasoru, mak ami tenki hetan valor nebe kiik tanba tanba eskola ne’e suspende bebeik, ikus mai ami tenki tama iha universidade privada sira nee”. Tenik Nia.
Estudante ne’e mos husu ba Ministeriu relevante liu-liu ba Ministeriu Educasaun keta ko’alia futuru bainhira la prepara Jerasaun foun ba futuru tanba sira sei parado husi sira nia Estudu ho rasaun la iha forsa nebe naton hodi kontinua hala’o estudu iha Universidade privada sira.
“ Se Universidade Privada sira ne’e mak ami selu la bele maka ami tenke para ami estudu (nanggur), tinan bailoro mak nanggur hela deit. di’ak liu ba Ministerio relevante sira keta ko’alia kona ba futuru ne’e, se bainhira ita ko’alia kona ba futuru maibe ita la prepara gerasaun foun ba futuru di’ak liu keta ko’alia konaba futuru”.Julião Correia Expresa
Jornalista : *JC*
Editor : Chamot nahac
