Covalima (RCCT) 31-05-21, Kandidatu/a sira nebe maka selesionadu ka passa selesaun dokumentos ba pozisaun Pontu Vocal, Operador sistema no Asisten Operador sistema iha STAE Covalimam, Segunda-Feira ohin (31-05-) tuir prova eskrita iha salaun Edifisio STAE Municipio Covalima.
Relasiona ho prova Eskrita ba kandidatus sira iha Edifisio STAE Municipio Covalima, Jornalista halo konfirmasaun ho Staff STAE Municipio Covalima, no Staff STAE ne’e konfirma ho Diretor STAE Municipio Covalima, maibe Diretor ne’e lakoi fo komentario ba asuntu ne’e tanba ho rajaun dehan la iha tempo.
Liu husi rajaun hirak ne’e Jornalista seidauk hatene lolos dadus aplikantes nebe hatama dokumentos ba teste ne’e, no dadus aplikantes nebe passa iha selesaun dokumentos, inklui dadus nebe tuir prova Eskrita ne’e nomos konaba materia nebe maka Sira hetan Liu husi teste ne’e tanba rajaun Diretor katak la iha tempo atu informasaun ba Jornalista sira.
iha fatin hanesan Aplikante Basilio de Araujo husi Posto Administrativo Suai Informa, materia nebe sira hetan iha Prova Eskrita ne’e relasiona ho prosessu eleisaun nian.
Basilio mos senti kontenti wainhira tuir Prova Eskrita ne’e, nia dehan deisizaun atu pasa ka lea ne’e depende ba rezultadu teste nebe sei fo sain depois de ekipa halo avaliasaun.
” Ha’u sente Kontente tebes tuir teste Ida ne’e, maibe buat Ida passa ho la passa ne’e depende husi Ita, depois materia nebe maka ami hetan ne’e konaba prosessu eleisaun nian, Tanba ne’e depende tuir Ita deit” Dehan Basilio de Araujo.
Entertanto aplikante Basilio de Araujo dehan, Prova Eskrita ba etapa dahuluk ne’e konaba pontu fokal, no tuir mai sei tuir teste ko naba Operador ba Sistema no Asinten ba Operador Sistema.
Jornalista : Tynho Gusmao
Editor : Chamot Nahac
