Jose Quintino-Estrada Saseni Sarani Partisipa Selebrasaun Loron Mahein Parokia Fohorem Ba Dala-XXX

Letratu: Jornalista RCCT. J. Correia no Jefry RastaQ Halo Intrevista ho Xefe Suku Belulik leten Jose Quintino Amaral/Foto RCCT; Chamot Nahac

Covalima(RCCT)25-06-22—Sarani sira Postu Administrativu Fatumea Durante mos hamahon iha Igreja Parokia Imakulada Korasaun Maria Fohorem, tanba ne’e wainhira partisipa iha Selebrasaun Loron Padroeira Igreja nia ba dala XXX, Xefe suku Belulik leten Jose Quintino Amaral iha nia intervista ho Jornalista RCCT informa, estrada sai difikuldade ba Sarani sira atu asesu ba atividade Parokia nian iha tempu udan.

Governu tenki kolabora oinsa para bele normaliza tia Estrada ne’ebé mak at, tanba karik iha atividade ruma mak iha Parokia ami la bele asesu tanba Estrada difikulta ami atu la bele asesu mai Parokia refere, hanesan mos horbainhirak husi ami nia Postu Fatumea mai iha Parokia ida ne’e difikulta tebes ami tanba Entrada at loos entaun ami tenki dada, dudu, hodi bele mai to iha Igreja refere.” Hateten Xefe Suku Belulik leten Jose Quintino Amaral, informa ba Jornalista RCCT bainhira partisipa iha selebrasaun loron Padroeira Parokia Fohorem,Sabado (25/06).

Jose Quintino Amaral rekomenda ba parte relevante atu normaliza Estrada ho responde Perkupasaun Povu nian nune’e la bele difikulta Povu nian atu asesu ba atividade Igreja tantu Estadu nian.

Reprezenta Estadu no Povu rekomenda ba parte relevante normaliza tia Perkupasaun Povu sira nian ne’ebé ami mensiona ona hanesan Estrada ho fatin ne’ebé Sarani sira mai atu hela”. Hakotu Xefe Suku Fatumea Xefe suku Belulik leten Jose Quintino Amaral.

Enkuantu Durante Governu Timor Leste Seidauk hadi’a Estrada Ligasaun Postu Administrativu Tilomar, ba Postu Administrativu Fohorem, Fatumea hodi hafasil Komunidade sira nia Viazen.

Jornalista : J Correia/ Jefry RastaQ

Editor      : Chamot Nahac