Jose Mesias “Mentaliza Foinsa’e Hodi Hatene Papel Ba Konstrusaun Paz Kria Unidade Iha Sosiedade Nia Let”

Letratu: Jose Mesias Pedro de Araujo Macedu/Foto RCCT;Jefry RastaQ

Fohorem-Covalima(RCCT)25-06-22–Igreja Parokia Imakulada Korasaun Maria Fohorem, Kaderniza joven no Foinsa’e liu husi atividade Kultura no Edukativu hanesan Tebe Dahur, Likurai, Fokal Grup, Bidu lalok, Sertame ba nivel ensino Basiku, Sertame ba Nivel Sekundaria no Nivel Juventude, Diskursu Biblia Nivel Ensino Basiku to’o Nivel Sekundaria no nivel Juventude, Le biblia no seluk tan hodi komemora Loron Padroeira Igraja nia ba dala XXX neebe monu iha loron 25 Fulan Juñu 2022.

Vensedor kompetisaun Diskursu Biblia, Jose Mesias Pedro de Araujo Masedo orgullu ho atividade kompetisaunne’e, tanba bele kaderniza no mentaliza Joven no Foinsa’e sira hodi hatene konaba papel Foinsa’e nian iha konstrusaun paz no unidade iha Sosiedade nia let.

Hanesan Vensedor Senti prevelejiu loos no kontenti ho atividade kompetisaun sira hotu ne’ebé mak Prepara husi ita nia korpu religiousu sira, Liu liu padre paroku sira ho nia komitiva tomak, entermus de ida ne’e mos hanesan joven Ida senti orgullu, tanba husi parte relevante sira kria ona kondisaun no Joven sira oinsa atu espresa sira nia pensamentu liga ho Kultural ninian, ba iha Diskursu Biblia, oinsa mak atu kaderniza no

mentaliza nafatin Joven Foinsa’e sira atu kadi nafatin sira nia kakutak, para depois iha tempu oin mai saida mak sira bele halo liu husi abilidade ka esperensia naton ne’ebé sira iha, Iha tempu ne’ebé hanesan ha’u senti katak kapas loos, no eventu sira hanesan ne’e Importante tebes, Oinsa atu mentaliza nafatin joven sira, Atu hatene sira nia papel ba iha konstrusaun paz no unidade iha Sosiedade ida ne’e”. Hateten Vensedor kompetisaun Diskursu Biblia, Jose Mesias Pedro de Araujo Macedu ba Jornalista RCCT Sabado (25/06), hafoin hetan Apresiasaun no Simu Premiu Manan Na’in iha, Resintu Igreja Fohorem.

Juventude ne’e mos rekomenda ba lider religiousa no lider Komunitaria sira atu kontinua kaderniza no Foinsa’e sira liu husi atividade Edukativu hodi valoriza nafatin Kultura, hakbesik an ba iha Igreja atu nune’e bele hametin nafatin fair nudar Sarani Katolika iha Sosiedade nia let.

Hakarak rekomenda ba Parte relevante hanesan korpu religiousa, Administrador Postu, Se bele atividade hanesan ne’e ita loke kontinua, para depois ita bele kaderniza no mentaliza nafatin joven no Foinsa’e sira para depois sira bele hatene katak Iha valorijasaun ba iha Kultura, hakbesik an ba iha religious Relijaun nian atu nune’e bele hametin nafatin ita nia fiar nudar sarani Katolika iha ita nia Sosiedade nia let” Nia Hakotu.

Tuir Observasaun Jornalista Radio Comunidade Cova Roman (RCCT) iha atividade Komemorasaun loron ba mahein Igreja Parokia Fohorem ba dala XXX partisipa Masimu husi Sarani sira Postu Administrativu Fatumea, Fatululik, Tilomar, Fohorem, lider religiousu, lider komunitaria no Sarani Postu Administrativu Lolotoe Munispiu Bobonaro.

Jornalista : J Correia

Editor      : Chamot Nahac