Covalima (RCCT) 08-09-21, Husi Tinan 2019 to’o agora Diresaun Transporte Trestre (DTT) iha Munisipio Covalima halo ona inskrisain ba Motorista hodi tuir Ezame ba Karta kondusuan hamotuk Rihun Rua Atus Tolu Sanulu Resin Hitu (2.317) maibe Motorista hamotuk Rihun Rua Atus Ida Rua Nuluh resin Ida ( 2.121 ) mak pasa iha Ezame final.
Diretur DTT Covalima Joaquim Gusmão Dehan Husi Motorista 2.121 nebe pasa iha ezame final 2019 ne’e iha motorista 900 mak hetan ona karta kondusaun permanente.
“Husi 2019 mai ne’e, motorista 2.317 mak tuir exame atu hetan karta kondusaun ba motor ho kareta, maibe to’o iha exame final liu motorista hamutuk 2.121, DTT entrega ona karta kondusaun permanente ba motorista sira hamutuk 900 no motorista sira nebe mak sei dauk hetan karta kondusaun permanente hamutuk rihun ida atus rua resin ida ” dehan Diretor DTT Covalima Joaquim Gusmao.
Nune’e Diretur DTT Covalima Joaquim Gusmão husu ba motorista nebe pasa iha ezame final iha 2019 nebe seidauk hetan karta kondusaun orizinal husi DTT atu rai didi’ak resivu Pagamentu nebe sira hetan husi BNCTL.
“Ha’u husu ba motorista sira nebe liu ona exame karta kondusaun iha tinan 2019 la bele halo lakon resivu pagamentu iha Banco Nasional Komersio Timor Leste (BNCT) atu nune’e wain hira karta kondusaun permanete ne’e produs hotu ona mak lori mai iha Munispio Covalima mos motorista sira lori evidensia resivu Pagamentu ne’e, no mos ba motorista sira nebe mak karta kondusaun provizorio mate ona bele lori mai hamoris fali Diresaun Transporte Trestre ( DTT ) Covalima” Diretor DTT Covalima Joaquim Gusmão.
Entertantu Diretor DTT Munisipio Covalima Joaquim Gusmão husu ba motorista sira nebe mak oras ne’e dadaun uja karta kondusaun provizoriu nebe husi DTT Munispio Covalima fo ba motorista hirak nebe mak liu exame iha tinan 2019 ne’e karik data invalidu bele lori ba DTT Munisipiu Covalima hodi prolonga tan data validu hodi bele viagen iha teritorio laran.
Jornalista : Saturnino Soares
Editor : Chamot Nahac
