Covalima ( RCCT ) 09–09-21, Diresaun Transporte Trestre (DTT) Munispio Covalima Halo Liu Husi Servisu Rutina Nebe Halo Kada Fulan Maka Iha Fulan Agustu 2021 DTT Covalima Hatama Reseitas Ba Kofre Estadu Hamotuk Dollares Amerikanu $ 3,900.
Ba Jornalista Diretur DTT Covalima Joaquim Gusmão Informa Reseitas Ne’e Tama Liu Husi Aktividade Inspesaun ba Veikulus Kareta no Motor, Renova Karta Kondusaun, Troka Proprietaria No Renova Lisensa Trazeitu Nebe Dtt Halo Iha Fulan Agustu
“ Ami nia atendementu rutina iha fulan Agustus nia laran hanesan Inspesaun Veikulus no Renova Karta Kondusaun,Renova Lisensa Trazeitu no troka Karta Proprietario, ho servisu hirak mak DTT Munisipio Covalima hatam Reseita ba Kofre Estadu hamutuk Rihun Tolu Atus Sia ( $ 3.900 ) Dolares Amerikano ” Dehan Diretor DTT Munispio Covalima Joaquim Gusmao.
Aleinde ne’e mos Diretor hatutan DTT Munisipio Covalima dehan estimasaun Orsamentu kada tinan DTT iha Covalima hatama Reseitas ba Kofre Estadu hamutuk Rihun Hat nulu ( $ 40.000 ) resin.
“ Iha tinan hira liu ba antes iha Estadu Emergensia iha Timor Leste ne’e, Tuir ami nebe Servisu iha DTT Covalima nia estimasaun no kalkulasaun ba Orsamentu nebe mak hatama Reseitas ba Kofre Estadu kada tinan hamutuk Rihun Ha’at nulu resin hat ( $ 44.000 ) no to’o Rihun Ha’at nulu resin Lima ( $ 45.000 ) Dolares Amerikano, maibe tinan ida ne’e ami sei dauk hatene los tamba ami nia parte sei dauk halo kalkulasaun tanba sei dauk to’o Fulan Dezembru atu halo kalkulasaun ba total Orsamentu Tinan ne’e nia laran ” Tenik Diretor DTT Munispio Covalima Joaquim Gusmão
Nune’e Tuir Diretor DTT Munisipio Covalima Joaquim Gusmão dehan Mesmu iha situasaun Estadu Emergensia no Serka Sanitaria nia laran DTT nafatin hala’o kana’ar hodi atende Motorista sira nebe mak hakarak trata sira nia dokumentus relasiona ho Transporte nian, maibe nafatin tuir protokolu Saude nian nebe iha ona relasiona ho prevensaun ba Covid-19.
Jornalista : Saturnino Soares
Editor : Chamot Nahac
