Maubessi (RCCT) 30-03-22, Centro Nasional Chega (CNC) Realiza Formasaun Jornalizmu ba Pàz ba Jornalista sira, hodi promove no proteze Direitu Umanu nune’e bele kontribui ba Pàz no Estabilidade iha rai laran.
Partisipante iha Formasaun ne’ e, Florindo de Jesus, Jestor Radio Comunidade Povu Viqueque konsidera, Formasaun ne`e Importante hodi bele aumenta di’ak liu tan koñesimentu Jornalista nian atu Kria Paz no Estabilidade iha Rai laran.
“Ha’u Sente Formasaun ida ne`e Importante Tebes ba Jornalista Sira, maske Formasaun ida ne`e hala`o bebeik ona maibe ida ne`e oportunidade ida ne`e atu haforsa di’ak liu tan koñesimentu Jornalista sira nian, atu eleva valor Direitu Umanu iha rai laran, no orgullu ba Parte CNC no KI nia Koperasaun hodi Realiza Formasaun ida ne`e” Katak Jetor Radio Povu Viqueque Florindo de Jesus.
Iha abertura ba Formasaun ne’e Diretór Centro Nasional Chega (CNC), Hugu Maria Fernandes dehan CNC no Konsellu Imprensa (KI) iha baze fundamental atu implementa rekomensaun husi relatoriu Chèga nian.
“CNC no Konsellu Imprensa (KI) Iha koperasaun ida ho baze fundamental oinsa Implemennta Rekomendasaun husi relatoriu Chèga, nune`e entidades Estado sira bele valoriza K’naar Jornalista sira iha Nasaun Timor Leste, liu husi Formasaun Jornalizmu ba Pàz, Partisipasaun Jornalista ba Paz ne`e Importante hodi Promove no Proteze Direitu Umanu hodi kontribui ba Paz no Estabilidade iha rai laran” Dehan Diretór Ezekutivu CNC Hugu Maria Fernandes iha Abertura Formsaun Jornalizmu ba Pàz iha Salaun Parokia Maubessi Quarta Feira (30/03).
Formasaun ne’e Partisipa husi Jornalista Mídia Imprime, Jornal, Online,Televizaun no Radio Comunidade sira hamutuk ema 31, no formasaun ne’e hala`o durante loron durante loron 2 hahu dia 30-31 Fulan Marsu tinan ne`e
Reportazen Chamot
