INFORDEPE Halo Formasaun Lian Portuguesa Ba Professor Na’in 17 Durante Oras 120 Iha Covalima

Letratu; formador Nasional INFORDEPE Jorge Alves Soares/Foto/RCCT/Jhana Cardoso

Covalima (RCCT) 05-05-22, Formadór husi Institutu Nasionál de Formacão de Docentes e Profissionais da Educão (INFORDEPE) halo formasaun lian portugués no ensinu metodolojia ba profesór na’in 17, iha Munisípiu Covalima Tanba konsidera língua português hanesan língua oficial ne’ebe hakerek iha kontituisaun RDTL.

Formadór Nasionál husi INFORDEPE Jorge Alves Soares hateten, formasaun ba Profesór sira ne’e abertura iha Quarta feira horsehik (04/05) no formasaun ne’e sei remata iha fulan jullu tinan ne’e.

“Ha’u hanoin ema hotu hatene lian portugués hanesan lian ofisiál ne’ebé hakerek ona iha konstituisaun RDTL no mos importante tebes ba profesór sira-ne’e, tanba ita la iha profesór labele dezenvolve lian portugués no mos ensinu metodolojia ” Dehan formador Nasional INFORDEPE Jorge Alves Soares ba Jornalista, iha EBF Sanfuk Suku Kamanasa,

Formando sira ne’ebe partsipha formasaun ne’e tenik kumpri oras centu e vinte (120) bazeia ba Rekijotu ne’ebe mak iha ona.

Tuir rekejitu profesor sira tenke kumpri oras 120, bainhira profesór sira la kumpri sei la hetan sertifikadu tanba la priense rekejitu ne’ebe iha, no ba profesor sira ne’ebe mak priense 8 oras sei iha tolerância “ Tenik Jorge.

Jorge Alves Soares akresenta bazea ba lista husi Nasional haruka profesór na’in 55 mak sei tuir formasaun, maibé realidade hatudu profesór ne’ebé tuir formasaun lá to’o 55

Iha Nasional fo lista mai ne’e iha 55 pessoas no fahe ba turma rua. turma A no B, maibe agora ema mak mosu mai ne’e la to’o numeru ne’ebe mak ha’u hein hela. horseik mai foin mak na’in 17 pessoas, partisipasaun menus tanba kondisaun barak balun hanorin dader no balun dehan loraik, maibé seidauk iha justifikasaun mai ha’u, formasaun ne’e importante tamba sa mak profesór sira la mai, ha’u la kompriende ida ne’e” Nia hateten.

Iha Fatin hanesan Formandu Armando Nunes Amarál espresa nu’udar profesór senti di’ak no kontenti tanba bele tuir formasaun ne’e hodi aumenta sira kapasidade.

Ha’u sente kontenti tuir formasaun ne’e, tanba formasaun ne’e di’ak ba ami atu aumenta ami nia kapasidade nune’e bele iha kuñesementu di’ak liu” nia dehan

Entretantu Formasaun ne’e foku ba lian portugués nivél A2 no informasaun bazea ba manual ne’ebe sei kontinua to’o nivél B1 ho B2. Formasaun Lian Portuguesa ba Profesor sira ne’e hala’o iha Eskola Baziku Filial Sanfuk iha Suku Kamenasa durante oras 120.

Reportazen : Jhana Cardoso

Editor         : Chamot Nahac