Covalima (RCCT) 22-10-22, Inan Aman Estudante ESGP Suai agradese ba Diretór Eskola Sekundaria Geral Públika (ESGP) Suai Franselino Freitas tanba duránte nia mandatu halo mudansa ba Dezenvolvimentu iha Eskola ESGP Suai
Lia ne’e hato’o husi Reprezentante Inan Aman Estudante Raimundo Amaral iha Salaun ESGP Suai molok rona rejultadu Ezame Nasional ba Estudante Finalista iha ESGP Suai (22/01).
“Ita agradese ba ita nia Diretór Eskola ida ne’e tanba ita hotu hatene katak duránte iha nia mandatu nia halo mudansa barak los ba Eskola ida ne’e, dalaruma nia hasoru difikuldades ruma sempre kontaktu ha’u, e hamutuk konsege rezolve difikuldades ne’ebé maka Infrenta” Raimundo Amaral informa.
Maske Nune’e Diretór Eskola Sekundaria Geral Públika Suai Franselino Freitas Carvalho informa, Mundansa dezenvolvementu ne’ebé la’o iha tanba iha Koperasaun ne’ebé di’ak entre Professor sira iha Eskoal Refere.
“Ha’u sente tuir lolos la’os apresisaun ba ha’u, tenki apresisaun mos ha’u nia Professor sira ne’ebé maka fo aan tomak servisu hamutuk ho ha’u dezenvolve eskola, ha’u hanesan Diretór oinsa maka halo Jestaun para utiliza osan inan aman ne’e ho di’ak” Francelino dehan iha nia kna’ar fatin.
Iha Loron 6 Fulan Jullu tinan kotuk Vise Ministru Edukasaun Juventude no Desportu Antonio Guterres mos apresia ba dezenvolvimentu Iha Eskola ne’e bainhira halo Kampaña Vasinasaun Covid-19 iha ESGP Suai.
Entretantu Dezenvolvimentu Iha Eskola Sekundaria Geral Públika (ESGP) Suai ne’ebé duránte ne’e mudansa maka’as iha Eskola ne’e, kuaze kontribuisaun husi Inan Aman Estudante sira.
Jornalista : Tynho Gusmão
Editór : Chamot Nahac
