Covalima (RCCT) 08-07-21, PNDS ofisialmente Lansa no hatur Fatuk dahuluk ba implementasaun Uma Kbi’it Laek (UKL) iha Suku Taroman, Posto Administrativo Fatululik Municipio Covalima, no atividades ne’e representa atividades UKL hotu iha Covalima nebe sei implementa iha tinan ne’e.
Vise Ministro Administrasaun Estatal (MAE) Lino de Jesus Torezao hateten, lansamento primeira pedra ba UKL iha Suku Taroman ne’e representa atividades UKL hotu iha Covalima, Nia esplika Orsamento ba UKL hamutuk $ 25 miloens, no kustu ba kada uma entre $ 14,000 to’o $ 17,000.
” Ohin Ita Lansa primeira pedra ba UKL iha Suku Taroman, ne maka iha Benefisiarius 3 maka simu, nebe Orsamento ba UKL ne kada uma $ 17,000″ Vise Ministro MAE dehan.
Nia hatutan Governo sei hari Uma Kbit Laek iha Municipio Covalima hamutuk 90, kompostu husi Fatululik 6, Zumalain 24, Suai Vila 15, Maukatar 12, Fohorem 12, Fatumea 9, Tilomar 12.
“Iha Munisipio ne’e Governo sei halo UKL 90, Ida ne kompostu husi Fatululik 6 ne’e maka ohin Ha’u dehan 3 iha Taroman 3 iha Fatululik, depois Zumalai 24, Suai 15, Maukatar 12, Fohorem 12, Fatumea 9, Tilomar 12, Ida ne’e maka Ita sei halo tinan ne” Dehan Vise MAE.
Benefisiáriu ba Uma Kbi’it Laek iha Aldeia Makous Gaspar Da Cruz sente Kontente, Tamba kondisaun nia Uma nebe la sufisiente ona atu Nia hela ba, maibe Governu liu husi Programa Nasional Desenvolvimentu Suku, bele tulun Nia hodi hakma’an todan nebe Nia sente iha Nia Moris.
” Hau sente orgulho ho apoio Ida, ha’u Kontente tebes, Tamba Ha’u Nia Uma ne’e tempo udan Ha’u arska tebes, nebe Liu Ita Nia Estado Sira bele fo apoio ba ha’u” Benefisiáriu ne expressa.
Tuir observasaun molok halo lansamento primeira pedra ba Uma Kbit Laek ne, Ami Paroku Fohorem fo bensaun ba material Konstrusaun ba UKL, hafoin halo lansamento.
Jornalista : Tynho Gusmao
Editor : Chamot Nahac
