Covalima ( RCCT ) 18 – 01 – 2021 Diretor Sefope Munisipio Covalima Agusto Asis Gomes hateten iha tinan 2020 Sefope rezista kazu kompesasaun hamutuk kazu sanulu resin lima ( 15 ), nia hatutan kazu hirak ne’e balu Direitus ba servisu no balu halo indiminizasaun.
“ Iha tinan ida ne’e sefope rezista kazu sanulu resin lima ( 15 ) , no kazu hirak ne’e balu izizi sira nia direitu konba salario hamutuk travalhadores nain sanulu resin rua ( 12 ),kazu indeminizasaun ema nain ida ( 1 ) no kazu kontratu servisu ema nain ida ( 1 )” informa Diretor Sefope Munisipio Covalima Agusto Asis Gomes.
Diretor Sefope ne’e hateten relasiona ho kazu hirak ne’e, Sefope halo mediasaun ona entre travalhador ho kompanha konba akordu koletivu. Nia hatutan liu husi mediasaun ne’e travalhador barak mak hetan ona sira nia direitu kompesasaun no balu mak sei dauk hetan solusaun tamba kronologia problemas ne’ebe mak bo’ot .
“ Sefope halo media saun konaba kazu hirak ne’e balu hetan ona sira nia direitu tamba liu akordu koletivu entre travalhador no kompanha no kazu balu mek sei dauk hetan kompesasaun tamba kronologia kazu ne’ebe mak bo’ot, ida ne’e mak durante ne’e akontese iha Munisipio Covalima. ” Tenik Diretor Sefope Munisipio Covalima Agusto Asis Gomes.
Entertanto tuir Diretor Sefope Munisipio Covalima Agusto Asis Gomes ne’e akresenta Sefope hanesan mediador ida atu buka solusaun konaba kazu travalhador sira nian, maibe ba kazu balu ne’ebe mak sira nia parte la hetan solusaun iha mediasaun travalhador rasik iha direitu bele lori kazu ne’e ba arvitragen hodi keisa to’o tribunal.
Jornalista : Saturnino Soares
Editor : Chamot Nahac.
