Covalima (RCCT)17-05–21 Implementasaun Serka Sanitaria (SS) halo komunidade sira susar atu hala’o sira nia atividade lor-loron liu-liu ba iha negoisiante sira hodi asesu ba merkadu.
“Ha’u nudar lideransa komunitaria Suco Maudemo Postu Administrativu Tilomar dala ruma mos senti tristi ho implementasaun Serka Sanitaria iha Municipio Covalima tanba hamate komunidade negoisiante sira hodi halo negoisu no hodi asesu ba iha merkadu hodi ba faan sira nia sasan atu nune bele hodi sustenta sira nia nia vida Moris loro-loron nian.” Xefe Suco maudemo Maria Fatima
Xefe Maria Fundamenta, Komunidade iha Suco Maudemu Maioria moris ho vida agrikultura, maibe ho implementasaun SS iha Timor Leste no Covalima fo impaktu ba komunidade agrikultur no negosiantes sira ninia rendimentu loro loron.
“agora dadaun ne’e iha ha’u nia Suco rasik ha’u nia komunidade sira kuda modo, pateka no selu-seluk tan atu lori ba faan iha merkadu maibe susar atu asesu ba iha neba tanba SS nomos balun hetan rendimentu nemus liu tanba la iha ema mak atu sosa no kadasves iha funsionaria balun mak sosa tanba funsionaria sira kada Fulan sei simu osan maibe komunidade sira susar atu hetan osan tanba sira liu husi faan sasan maka bele hetan sosa” Katak Xefe Suco Maudemu Maria de Fatima
Maria de Fatima mos dehan iha implementasaun Serka Sanitaria nia laran iha kompanha balun maka lori fos ba faan ba komunidade sira kada saku ho folin $12.00 maibe ne’e ba komunidade sira nebeng maka iha osan.
“husu ba guvernu atu tau matan ba komunidade sira durante implementasaun Serka Sanitaria liu-liu iha municipio Covalima no atu hare mos ba iha komunidade kbiit la’ek sira tanba durante ne sira perkupa tebes ho sira nia Moris lor-loron nian hodi sustenta sira nia Moris” katak Maria wainhira partisipa iha sosializasaun programa Dezenvolviementu Suco iha salaun Administrasaun municipio Covalima Segunda (17-05)
Jornalista :Lito de jesus
Editor : Chamot Nahac
