Igreja konsidera Veteranu Hadau Malu Projetu- Mausoko Rezeita Involve iha Projetu Eletrisidade

Covalima (RCCT)10-05-22-Amu Parokia Igreja Ave Maria Suai, Sebastião Eugenio da Cruz Correia, hatete Timor-Leste Ukun An Tinan 20 ona maibe Povu barak iha area Remota sei hela iha nakukun laran tanba seidauk asesu ba Liña eletrisidade.

Amu Sebastião dehan kauza husi Veteranu sira nia hahalok hadau malu projetu mak afeira ba Komunidade sira la asesu ba Liña eletrisidade.

“Ita hare iha Tinan 20 nia laran ne’e infrastrutura balu la’o di’ak maibe hare ba iha eletrisidade Povu balu seidauk asesu maske rin eletrisidade harii hotu ona fiu mak seidauk dada, tanba veteranus sira hadau malu projetu” informa Amu Parokia Igreja Ave Maria Suai, Sebastião Eugenio da Cruz Coreia, ba jornalista sira Segunda Feira (09/05)

Tanba ne’e Amu Sebastião husu ba Veteranu sira atu komprende malu ho situasaun ida ne’e, hodi tau intrese ba hakuran sofrementu Povu nian.

Amu Pakoria Igreja Suai mos Klarifika kona Projetu Eletrisidade balu iha Postu Administrativu Maukatar iha dirasaun Ila ba Busada’o no mos iha PA Suai Iha Gala no Teda, ne’ebé hari ona Rin Eletrisidade maibe seidauk halo instalasaun tama sai uma komunidade nian.

Iha Ila tun mai Busa Dão iha area Postu Administrativu Maukatar nian ne’e rin eletrisidade hari hotu ona maibe to’o ohin loron ahi mak seidauk lakan tanba fiu seidauk dada tama ba iha komunidade nia uma, iha Postu Administrativu Suai partensia ba iha Suku Beko nian liliu sa’e ba iha aldeia Gala, Teda no Tobur besi sira mak soe hela iha ne’eba laiha ema ida mai atu dada fiu halo komunidade durante tinan 20 ona sei moris hela iha nakukun tanba veteranu sira sei hadau malu projetu.” Amu Sebastião Klarifika.

Maibe Amu parokia ne’e informa dehan Dezenvolvimentu infraestrutura iha Munisipiu Covalima la’o Avansadu, hanesan Estrada hahu iha kapital Munisipiu to’o Fronteira Salele Kaber hotu ona.

No iha area Suai laran iha estrada ninin iha hotu ona iluminasaun (lampu jalan) ne’ebé halo Sidade Suai Nabilan.

Lampu sira monta hotu ona iha rin etrisidade iha tempu kalan hare lakan nabilan tebes, komunidade nia uma maioria diak hotu ona uma Tali sira ne’e uma lisan deit ona” Tenik Amu Sebastião .

Presidente Conselhu Munisipal Combatente da libertasaun Nasional Munisipio Covalima Ozorio Soares (Mausoko) hatan ba lia hirak nebe maka Amu Paroko hatete

Hatan ba kestaun ne’e, Prezindemte Konsellu Minisipal Kombatente da Libertasaun Nasional Munisipiu Covalima, Ozorio Soares (Mausoko) rezeita, Veteranu lahadau malu projetu maibe ne’e Kompaña sira mak hadau malu atu kaer projetu dada linha eletrisidade ba komunidade sira ne’e.

Konaba projetu iha Suku, Postu ka Aldeia, konaba eletrisidade ne’e la’os Veteranu mak hadau malu tanba ha’u mos ema veteranu ida mais ha’u nunka involve an iha ne’eba atu hadau malu, uluk iha 2014-2015 Maun Bo’ot Xanana maka fo ba Veteranu balu atu hodi hare dokumentus hodi buka moris maibe agora ne’e Maun Xanana la’os atu fo tan projetu ba hodi moris maibe agora Kompaña sira maka hadau malu,” Mausoko Klarifika ne’e iha Resinto Administrasaun Munisipiu Covalima Tersa Feira ohin (10/05)

Enkuantu tuir Amu Sebastião Dezenvolvementu balu iha Covalima Liu liu konaba eletrisidade sei la’o sidi-sidi tanba veteranus sira tau intrese iha laran hodi hadau malu projetu halo povu balu iha area remotas kontinua hela iha nakukun laran.

Jurnalista : Alito de Jesus

Editor      : Chamot Nahac